Tərkibi:
300-400 qr. kotletlik ət
0.5 st. suxarı unu
2 x.q. "Bizim süfrə" klassik mayonezi
4-5 ədəd orta boy kartof
2 ədəd orta boy soğan
4-5 diş sarımsaq
1 x.q. tomat
2 st. su
2 x.q. yağ
Azərduz yodlu narın xörək duzu,istiot
Hazırlanması:
Əvvəlcə soğanla çəkilmiş ətə suxarı unu,mayonez,duz,istiot (qarışıq ədviyyatlar vura bilərsiniz) vurub yaxşı yoğururuq.
Daha sonra hazirladığımız ətdən yumru kotletlər hazırlayıb az yağda yüngülvari qızardırıq.
Soğanları və kartofu halqa-halqa doğrayırıq.Kartofu biraz qalın doğramaq lazımdı.
Kotletləri,soğanları və kartofları sırayla yan-yana listə düzürük.Mən keks qabında bişirdim.
Sarımsağı əzirik,üzərinə tomat,duz,istiot vurub,suyu əlavə edirik.Qarışdırıb yeməyimizin üzərinə gəzdiririk.
Yeməyi 200 dərəcə sobada 15 dəqiqə bişirdikdən sonra çıxarıb üzərini aluminium folqayla bağlayırıq və yenidən 40-45 dəqiqə 180 dərəcədə bişiririk.
Və yeməyimiz hazırdır.
Nuş olsun!