Tərkibi:
0,5 stəkan - şəkər tozu
100 qr - "Best Cow" kərə yağı
1 yumurta
1 stəkan - un
2 x.q. - kakao
Qabartma tozu
Bıçağın ucunda azca duz
Kəsmikli krem üçün:
200 qr - kəsmik
70 qr - şəkər tozu
70 qr - "Best Cow" kərə yağı
Vanil şəkəri
Bəzək üçün:
Rəngli şəkər tozları
Hazırlanması:
Əvvəlcə xəmir hazırlanır. Şəkər tozu yumşaldılmış kərə yağı ilə çırpılır.
Yumurta əlavə edilir.
Yaxşıca qarışdılır.
Tərkibə ələnmiş un, kakao, qabartma tozu və azca duz qatılır.
Yumşaq bir xəmir yoğrulur.
Xəmiri 5 mm ölçüsündə yayıb, ürək qəlibi ilə formalar kəsilir.
Soba listinə düzüb 180 dərəcədə 20 dəqiqə bişirilir.
Peçenyelər bişənə qədər kəsmikli içlik hazırlanır.
Kəsmiyə vanil şəkəri qoyub krem halına gələnə qədər qarışdırırıq.
Kərə yağı başqa qabda şəkər tozu ilə çırpılaraq tədricən kəsmiyə əlavə edilir. Şəkər yerinə
kişmiş qoymaq da olar.
Hər bir ürək peçenyenin üzərində 1 qaşıq kəsmikli krem çəkilir.
Sonra digər ürək peçenye kremin üzərinə astaca qoyulur.
Peçenyenin kənarlarına çıxmış kəsmikli krem bəzəkli rəngli şəkərlərlə örtülür.
Ürək peçenyeləri hazırdır.
Nuş olsun!