Tərkibi:
"Möcüzə"paket yağı- 200 q
Şəkər tozu- 350 q
Yumurta - 6 ədəd
Vanil- 2 paket
Limon şirəsi-2 xörək qaşığı
Un- 200 q
Kremi üçün:
Yağlı qaymaq- 1 stəkan
Şokolad- 150 q
Hazırlanması:
Kərə yağı və şəkər tozunu qarışdırırıq.
Yumurtanın ağını, limon şirəsini və vanili əlavə edib birlikdə bir neçə dəqiqə yenə qarışdırmaq lazımdır.
Sonra unu da əlavə edib 1-2 dəqiqə qarışdırırıq.
Sonra xəmiri şirniyyat kisəsinə tökürük.
Bişirəcəyimiz qabın üzərinə falqa kağızı qoyub üzərinə şəkildəki kimi 3 sm uzunluğunda peçenyelər hazırlayırıq. 180 dərəcədə 10 dəqiqə bişiririk. Peçenyelərimiz qızılı rəng aldıqdan sonra sobadan götürürük.
Kremi hazırlayırıq. Qaymağı zəif odda qızdırırıq. Şokaladı əlavə edib yavaş-yavaş qarışdırmaq lazımdır. Şokalad və qaymaq qarışdıqdan sonra oddan götürmək lazımdır.
Bir az soyuduqdan sonra peçenyelərin arasına çəkib bir az da soyumasını gözləyirik.
Milan peçenyelərimiz hazırdır.
Nuş olsun!