Tərkibi:
100 q kəsmik
Yarım limon
100 q "Möcüzə" paket yağı (yumşaldılmış)
80 q şəkər kirşanı
1 ç.q qabartma tozu
1/4 ç.q soda
1 st. ələnmiş un
30 q qəhvəyi şəkər tozu
1 paket vanilin
Hazırlanması:
Əvvəlcə limonun qabığını sürtkəcin xırda gözündən keçirin. Sonra isə limonun şirəsini sıxın. Yağ, kəsmik, vanilin, limon qabığı, 2 ç.q limon şirəsi və şəkər kirşanını mikserlə köpüklənənədək çalırıq. İndi isə unu, sodanı və qabartma tozunu qarışdırıb əlavə edirik. Mikserlə yaxşıca çalırıq. Alınmış xəmirdən qoz boyda kürəciklər hazırlayırıq.
Soba listinə falqa kağızı sərib kündələri üzərindən düzün. Hər kündəyə limon şirəsi çəkin.
Sonra bir balaca qaba qəhvəyi şəkər tozunu qoyun. Şirəni canına çəkmiş kürəçiklərin üz tərəfini şəkər tozuna batırın və yağlanmış listə bir-birindən aralı şəkildə düzün.
Sonra çəngəllə xəmirin üzərinə naxış vurun.
180 dərəcədə qızdırılmış sobada 15 dəqiqə bişirilir. Peçenyelər qızarmalıdır.
Budur, kəsmikli, limonlu peçenyemiz hazırdır.
Nuş olsun!
(Tərcümə edilib)