Tərkibi:
250-300 q yumşalmış "Wellington" kərə yağı
3 yumurta (1-nin ağını götürürük)
1-2 x.q. bal
1.5-2 st pudra şəkəri
Vanil
1 x.q.hil
2 x.q. kakao
Apardığı qədər un
Üzəri üçün:
Yumurtanın ağı
Hazırlanması:
Ərzaqları qarışdırırıq, 2 st un və qabartma tozunu töküb yenidən qarışdırırıq.
Sonra xəmiri 2 hissəyə ayırırıq. Birinə kakao və un əlavə edib yoğururuq, o biri hissəsini sadəcə unla yoğururuq.
Kakaolu və ağ xəmiri yayırıq, kakaolu xəmiri ağ xəmirin üzərindən qoyuruq, qıraqlarını kəsib səliqəyə salırıq.
İki tərəfdən rulet kimi büküb kəsirik.
Kəsdikdən sonra ikisini də yanaşı qoyub 1-2 barmaq qalınlığında kəsirik.
Kəpənəyimizə forma vermək üçün kəpənəyin qıraqlarından əlimizlə içəri basırıq.
10-15 dəqiqə soyuducuda qaldıqdan sonra üzərinə yumurta ağı vurub 160-170 dərəcəli sobada bişiririk.
"Kəpənək" qurabiyəmiz hazırdır.
Qalan xəmirdən "Çay paketi" qurabiyəsi hazırlayırıq.
Xəmiri yayırıq, paket çayı xəmirin üzərinə qoyub kəsirik.
Kəsdikdən sonra baş tərəfindən çöplə deşirik.
Üzərinə yumurta ağı vurub 160 dərəcədə bişiririk.
Bişdikdən sonra çayın ipini qurabiyələrimizə taxırıq.
Qurabiyəmiz hazırdır.
Nuş olsun!