Əziz xanımlarımız, bu gün sizlərə kibrit çöpü və düymə peçenyelərinin hazırlanma qaydasını izah edəcəyəm. Hər iki peçenye eyni reseptdən hazırlanır. Düymə peçenyesini hazırlayarkən zövqə uyğun kakao və istənilən rəngdə qida boyası götürülə bilər.
Tərkibi:
3 yumurta
160 q şəkər tozu
130 q "Möcüzə" paket yağı
0,5 soda
1 x/q mayonez
2,5-3 st un
Vanilin
Zövqə görə kakao və ya qida boyası
1 plitka şokolad
Hazırlanması:
Yumurta sarısı şəkər tozu ilə çalınır.
Üzərinə yumşalmış yağ əlavə edərək çalınır. Soda, mayonez, vanilin əlavə edilib çalınır.
Un əlavə edərək yumşaq xəmir hazırlanılır. Xəmirə kakao və ya qida boyası da əlavə edə bilərsiniz.
Xəmir çox yumşaq və kövrək olmalıdır. Hazır xəmir sellofona bükülüb 1 saat soyducuda saxlanılır.
Xəmiri soyuducudan çıxarıb yayırıq və kiçik, yumru dairələr kəsib plastik butulka qapağı ilə forma əldə etmək üçün xəmirə batıraraq dairələr hazırlayırıq.
Düymələrə deşik açılır.
Gördüyünüz kimi düymə hazır oldu.
Zövqə görə xəmirə qida boyası və kakao qataraq istənilən rəngdə düymələr hazırlamaq və formalar vermək mümkündür.
Hazır düymələri kalka kağızı sərilmiş listə yığıb 160 dərəcəli sobada hazır olana qədər bişiririk.
