Tərkibi:
1 su st qəhvəyi düyü (istəyə görə)
2,5 ç/q Hindistan qozu yağı
1 su st doğranmış brokoli
1 ədəd xırda doğranmış kök
1 kiçik boy doğranmış soğan
1 ədəd yaşıl və qırmızı bibər (doğranmış)
1 kasa yaşıl noxud
1/2 su st göbələk
1/2 su st doğranmış qırmızı kələm
1/4 su st təzə lobya
300 ml Hindistan qozu südü
1 ç/q sarıkök
1,5 çay qaşığı zəncəfil
Hazırlanması:
İlk əvvəl qəhvəyi düyünü bişirin və qapağını bağlayıb qırağa qoyun. Daha sonra böyük qazanda, orta atəşdə Hindistan qozu yağını isidin və ardınca doğranmış tərəvəzləri də qazana atın.
Tərəvəzləri yumşalana qədər 8-10 dəqiqə qovurun.
Bütün tərəvəzlər yumşalandıqda qazın dərəcəsini azaldın və hindistan qozu südü, sarıkök və sürtgəcdən keçirilmiş zəncəfili əlavə edin. Tərəvəzləri qarışdırın və sonra qapağı bağlayıb 30 dəqiqə bişirin.
Plovu servis qabına qoyun. Tərəvəzli qaranı plovun üstünə qoyun.
Üzərinə doğranmış yaşıl soğan və keşniş səpin.