4 porsiya
Tərkibi:
500 qram uzun enli əriştə
500 qram şampinyon (göbələk)
1 ədəd soğan
1 xörək qaşığı bitki yağı
2 ədəd yumurta
100 qram suxari
50 qram kərə yağı
Hazırlanması:
Adi xəmir yayılır kvadrat şəklində kəsilir. Duzlu qaynayan suya əlavə edilir. Bişdikdən sonra süzülür. Göbələklə soğan xırda doğranılıb yağda qızardılır. Sonra üzərinə 4 xörək qaşığı su əlavə edilib aşağı dərəcədə qaynadılır. Qaynadıqdan sonra üzərinə xəmir əlavə edilir və qarışdırılır. Listə düzülür. Üzərinə bir list qoyulur ki, ağırlıq salsın. 40 dəqiqə saxlanılır. Sonra kvadrat şəklində kəsilir və yumurtaya batırılır. Suxaridə yuvarlanıb kərə yağda qızardılır. Süfrəyə veriləndə üzərinə göyərti səpilir.