Tərkibi:
Badımcan - 3 ədəd
Pomidor - 2 ədəd
Kök - 3 ədəd
Baş soğan - 1 ədəd
Bolqar bibəri - 1 ədəd
Sarımsaq - 1 diş
Cəfəri, acı istiot, duz, qara istiot,
"Zeytun bağları" zeytun yağı.
Hazırlanması:
Bütün tərəvəzlər yuyulur, təmizlənir, soba da 200 dərəcəyə qədər isidilir.
Bişirəcəyimiz listin içini yağlayıb tərəvəzləri səliqə ilə düzürük, iri duzla duzlayıb sobaya qoyuruq.
Hazır olduqdan sonra listi çıxarıb tərəvəzlərin soyumasını gözləyirik.
Soyuduqdan sonra tərəvəzləri böyük dilimlərlə kəsirik, kiçik dilimlərə bölmək olmaz, yoxsa onda püre halına gələ bilər.
Sonra doğranan tərəvəzlərin hamısını bir-birinə qarışdırıb sarımsaq və göyərti ilə birlikdə servis edirik. Servisdən əvvəl zövqə görə kürüyə duz, istiot, narşərab da vurmaq olar.
Qeyd: Bu kürünü qış üçün də bağlaya bilərsiniz. Edəcəyiniz əlavə iş bişirdiyinizi qaynayana qədər ocaqda tutub sonra bankalara dolduraraq bağlamaq olacaq.
Nuş olsun!
(Resept rus sosial şəbəkəsindən tərcümə edilib)