Tərkibi:
3 ədəd yumurta
1 su stəkan yulaf (Qerkules)
1 st süd və ya süd zərdabı
Şəkər zövqə görə
1 çimdik duz
Apardığı qədər un
Qızartmaq üçün "Möcüzə" duru yağı
1 ədəd alma
Qida sodası yarım çay qaşığı
Sirkə 1 yemək qaşığı
Hazırlanması:
Yulaf ən azı 1 saat əvvəldən süddə və ya süd zərdabında isladılır.
Sonra üzərinə yumurtalar və şəkər tozu əlavə edilib çalınır.
Biskvit xəmiri qatılığında xəmir alınana qədər un əlavə edilib qarışdırılır.
Soda sirkədə söndürülüb xəmirə qatılır.
Almanın qabığı soyularaq nazik dilimlənir.
Yaxud belə doğranılır.
Xəmir qaşıq-qaşıq tavaya isti yağa tökülür. Hər xəmirin ortasına bir dilim alma qoyulur, üzərindən yenidən bir qaşıq xəmir tökülür.
Hər iki üzü qızardılır.
Salfetin üzərinə yığılır ki, artıq yağı hopsun.
Faydalı, vitaminli oladilərimiz hazırdır. Nuş olsun!
