Tərkibi:
2 yumurta
150qr kərə yağı
1,5şəkər tozu
1st süd
2st kakos (qoz,fındıq badam,)
Bir çimdik duz
Qabartma tozu
vanil
3st əla növ un
100qr şokolad
Bəzək üçün;
Şəkər kirşanı
Yarım qutu qaymaq və 60qr şokolad 
BİSMİLLAH deyib ən əvvəl yumurtanın ağı sarısından ayrılır.Ağını mikserlə bərkiyənədək çalıb kənarda saxlamalı.
Otaq temperaturunda yumşalmış kərə yağını şəkərlə möhkəm-möhkəm ağarıb, iki qat artana qədər çalınır.
Həmin kütlənin üzərinə yumurtanın sarısını bir-bir əlavə edib durmadan qarışdırmaq lazımdı.
İlıq süd də asta-asta əlavə olunur.
Zövqə görə seçilən ləpə ovuntusunu+vanil və beze halında olan yumurtanın ağını da əlavə edərək mikserlə qarışdırılmalıdı.
Qabartma tozu və əla növ unu 2 dəfə ələdikdən sonra asta-asta kütlənin üzərinə töküb qaşıqla saat əqrəbinin əksi istiqamətdə qarışdırmaq lazımdı.
Yağlanmış və unlanmış keks formasına hazır kütlənin bir hissəsini töküb, xırda-xırda doğranıb, unlanmış şokolad dənələrini səpib, qalan hissən də üstünə əlavə edilir.
Keks əvvəlcədən isidilmiş 200*li sobada ilk 30 dəqiqəsini açmamaq şərtilə 45dəqiqədə bişir.
Həmin arada keksin üstü ücün parda şokoladı əridib+qaymaq birlikdə qarışdırıb sous hazırlanır.
Hazır bişmiş keksin üzərinə şəkər kirşanı səpib,sokolad sousu ilə bəzədilir.
Nuş olsun.
