Bu resepti qaynanam mənə öyrədib, çox ləzzətli çörəkdir. Əminəm ki, siz də, uşaqlarınız da sevəcək bunu.
Lazım olan ərzaqlar:
Xəmirə:
1 lt süd
1 paçka maya
1 çay qaşığı şəkər tozu
1 xörək qaşığı Azərduz yodlu narın xörək duzu,
təxminən 100 q kərə yağı (əvəzində1 şüşə stəkan duru yağ da olar)
2 kq un
Üzərinə:
1-2 yumurta
çörək zəfəranı
çörəyin üzərinə vurulan ağ və qara toxumlar
Hazırlanması:
Yuxarıda sadalananları böyük qaba əlavə edib xəmir yoğurun (əlinizi duru yağla yağlayın ki, xəmir əlinizə yapışmasın) və isti yerdə ən azı 1 saatlığına xəmirin qalması üçün saxlayın. Xəmir əmələ gəldikdən sonra onu təxminən 2 ovuc boyda kündələrə ayırın.
Sonra bir kündəni götürüb əlinizi yağlayıb bir əldən o biri ələ sanki ata-ata açın, sonra list boyda duxovka kağızının üzərində əllərinizlə kənarlarını açın
Yumurtadan hazırlanmış qarışığı üzərinə vurun
Qızdırılmış duxovkaya qoyub 300 dərəcədə 5-10 dəqiqə bişirin.Üstü qırmızı olduqda hazırdır.
Bir çörək bişənə qədər yenə bir başqa o cür kağızın üzərində çörəyi düzəldin eyni qaydada, bu biri çörək hazır olduqdan sonra onu çıxardıb yerində ikinci kağızda olan çörəyi qoyun bişməyə və o bişdikcə təkrarən birinci kağızın üzərində 3-cü çörəyi hazırlayın və s. bu qaydada növbə ilə çörəklərinizi bişirin.