Belə bir kəlam var – “Halva-halva deməklə ağız şirin olmaz”. Ağzınızın şirin olması üçün sizlərlə halvanın reseptini bölüşmək istəyirəm.Bu Bakı halvasıdır.Buyurun baxın.
Tərkibi.
180 qram un
200 qram kərə yağı
200 qram şəkər tozu
200 ml su
bir çimdik zəfəran
bir çimdik Azərduz yodlu narın xörək duzu
Hazırlanması
İlk öncə şərbət hazırlanır.200qram şəkər tozuna 200ml su töküb qoyuruq qaynamağa.
Şərbət qaynayan kimi zəfəran tökülür və qazın üzərindən götürülür.
200 qram yağı tavaya töküb qoyuruq əriməyə.Qaynatmaq lazım deyil.
Yağ əriyən kimi unu və bir çimdik duz əlavə edib başlayırıq qovurmağa.
Qaz orta odda olmalıdır.Yağ unu təmiz canına çəkməlidir.Yağla un qızılı rəngə çalıncaya kimi dayanmadan qovururuq.
Unumuz qızılı rəng aldıqdan sonra tavanı kənara qoyub,şərbəti az-az əlavə eib qarışdırırıq.
Halvamız hazırdır.Boşqablara yığıb zövqə görə üzəri bəzədilir.
