Tərkibi:
Xəmir üçün:
280-290 qr un
0.5 ç/q duz
100 ml bitki yağı
4 ədəd yumurta (orta)
1 y/q şəkər tozu,
600 ml. süd (otaq istiliyində)
200 ml. su (otaq istiliyində)
İçlik üçün:
300-350 qr (hazır qiymə)
100-150 qram nar dənəsi
1 balaca dəstə keşniş,
duz və istiot (zövqə görə)
Hazırlanması:
Bütün ərzaqları bir qaba əlavə edib, mikserlə qarışdırın. Sonra unu az-az töküb qatışdırın. Hazır olduqdan sonra, bişirəcəyimiz qaba yağ əlavə edib xəmirləri qızardın. Xəmirin bir üzünü çox, digər tərəfi az qızardın.
İçliyi hazırlamaq üçün, qaba qiyməni, keşnişi və narı əlavə edib qarışdırın. Sonra xəmirin çox qızaran hissəsinə içliyi qoyub bükün. Bükdüyümüz blinləri yenidən qabda bitki yağı ilə qızardın.
Nuş olsun!