Qışda qızartma yeməklərin və xəmir xörəklərin yanında göyəm turşusunun öz yeri var.
Sizlərlə hazırladığım göyəm turşusunun reseptinı paylaşıram.
Tərkibi:
2kq tam yetişməmiş göyəm
6 baş sarımsaq
Hər bankaya 2-3 ədəd olmaqla dəfnə yarpağı
1 qaşıq quru nanə
Duz
Sirkə cövhəri
Hazırlanması:
Göyəmlər təmiz yuyulur. Saplaqlarını çıxarmağa ehtiyac yoxdu. Sarımsaqlar təmizlənir.
Təmiz yuyulub qurulanmış bankalara göyəm və sarımsaq yığılır. Arasına dəfnə yarpağı qoyulur və quru nanə tökülür.
1litrlik bankaya 1ç.q. duz və 2x.q. şəkər tozu tökülür. Üstünə qaynar su əlavə olunub qazana yığılır və 30 dəqiqə sterilizə olunur. Qazandan çıxarılan turşunun üzərinə 0,5 ç.q. sirkə cövhəri əlavə edilib dəmir qapaqla bağlanır.
Nuş olsun!