Hər bir xalqın özünəməxsus içkisi vardır.Ruslar kvas,Almanlar və çexlər pivə,Bolqarlar buza,Amerikalılar coka-cola,Azərbaycanlılar isə daha çox şərbət içməyi xoşlayırlar.Ona görə də hələ qədimdən Azərbaycanda ən geniş yayılmış spirtsiz içki şərbət olmuşdur.Şərbəti plov yanında da verirlər.Şərbətlərin hazırlanmasında şəkər,ətirli bitkilər,meyvə və giləmeyvələr və buzdan istifadə olunur.Bəzi şərbətlərə isə qızılgüldən çəkilmiş gülab əlavə edilir.
Azərbaycanın bəzi bölgələrində qəndab,xoşab,heyva şərbəti,atlama kimi spirtsiz içkilərdən istifadə olunur.
Kompotlar:
Kompot bütöv meyvə və ya giləmeyvələrdən hazırlanır.Bəzən meyvələr sortlaşdırılır.Kompot hazırladıqda həm posterilizə üsulundan,həm də meyvə və giləmeyvənin üzərinə qaynar su əlavəsindən istifadə olunur.