Tərkibi:
2 ədəd portağal
1.5 st. pudra şəkəri
1 st.qatıq
1 paçka krem şanti
1 st. süd
Üzəri üçün:
1 paçka şokolad sousu
1 st.süd
Rəngli şəkərlər
Hazırlanması:
Öncə portağalın qabığını sürtkəcdən keçiririk.
Sonra şirəsini sıxırıq.
Portağalın qabığını, suyunu və 1.5 st. pudra şəkərini bir qaba töküb yarım saat saxlayırıq.
1 paçka krem şantinin üzərinə 1 st. süd töküb mikserlə çalırıq.
Sonra 1 st. qatığı şantinin üzərinə töküb mikserlə çalırıq.
Ən sonda portağallı qarışığı şantinin üzərinə töküb çalırıq.
Ürək formasında olan qaba sellofan qoyuruq. Qarışığı onun üzərinə tökürük. Üzərini sellofanla bağlayıb soyuducuda 10-11 saat saxlayırıq.
1 paçka şokolad sousunun üzərinə südü əlavə edərək bişiririk və soyumağa qoyuruq. Soyuduqdan sonra hazır dondurmanın üzərinə tökürük, onun üzərinə də rəngli şəkərləri səpirik.
Yenidən soyuducuya qoyub 1 saat saxlayırıq. Portağallı-şokoladlı ürək dondurmamız hazırdır.
Nuş olsun!