Tərkibi:
Xəmir üçün;
375 qram un
1 ədəd yumurta
125 ml su
80 ml zeytun yağı
1 çay qaşığı duz
Maye yağ
İç üçün;
200 qram ağ pendir
100 qram keçi pendiri
2 çay qaşığı təzə nanə
2 çay qaşığı şüyüd
qara istiot
Hazırlanması:
Xəmir üçün un, yumurta, su, yağ və duzu yoğurun. Xəmirin üzərini örtərək30 dəqiqə soyuducuda saxlayın.
Ayrı bir qabda ağ pendir, keçi pendiri, təzə nanə, şüyüd və qara istiotu qarışdırın.
Xəmiri soyuducudan çıxardıb, 4 bərabər hissəyə ayırın.
Xəmiri incə olacaq şəkildə açın və stəkan ya da kasa ilə dairə formasında kəsin.
Hər bir xəmirə bir çay qaşığı pendirli qarışımdan qoyun.
Xəmirin kənarlarını su ilə isladın və yarım ay şəklində büküb kənarlarını çəngəllə sıxın.
Geniş bir tavada yağı qızdıraraq xəmirləri qızardın.
Nuş olsun.
