Tərkibi:
3 və ya 6 ədəd qat-qat xəmir
İçi üçün:
500 q göbələk
250 q qiymə
2 ədəd soğan
1 x.q. "Wellington" kərə yağı
3 diş sarımsaq
Duz
Pul bibər
Yaymaq üçün:
Un
Üzəri üçün:
Yumurta sarısı
Küncüt
Hazırlanması:
Göbələkləri doğrayırıq, tavaya töküb suyu çəkilənə kimi qovururuq. Suyu çəkildikdən sonra 1 x.q. kərə yağı və sürtkəcdən keçirilmiş sarımsağı da göbələyə qatıb yenidən qızarana kimi qovururuq.
Soğanı sürtkəcdən keçirib qiyməyə əlavə edirik, üzərinə su töküb bişməyə qoyuruq.
Suyu çəkildikdən sonra duz və pul bibərini əlavə edib qarışdırırıq və soyumağa qoyuruq.
Qat-qat xəmiri (xəmirin nazik olmasını istəyirsinizsə, 3 ədəd, əgər qalın istəyirsinizsə, 6 ədəd qat-qat xəmirdən istifadə edin) yan-yana qoyun, un töküb yayın.
Hazır içliyi - əvvəl göbələyi, sonra qiyməni qat-qat xəmirin qırağına qoyuruq. Və rulet kimi bükürük.
Üzərinə yumurta sarısı çəkirik və küncüt səpirik, 180 dərəcəlik sobada qızarana qədər bişiririk.
Qat-qat xəmirli rulet börəyimiz hazırdır.
Nuş olsun!