"Misket poğaça"
Tərkibi:
5 st un
1 st ilıq süd
1 armudu st. duru yağ
1 ədəd yumurta
1 x.q. maya
Duz
Su
İçi üçün:
300 qr. qiymə
2 ədəd soğan
2 ədəd bibər
1 ədəd "Bizim Tarla" soyulmuş pomidoru
Pulbibər
Duru yağ
Duz
Üzəri üçün:
Yumurta sarısı
Küncüt
Hazırlanması:
Ərzaqların hamısını qarışdırıb yumşaq xəmir yoğururuq və mayalanmağa qoyuruq.
İçi hazırlamaq üçün qiyməni, duru yağı qazana tökürük ,soğanı da doğrayıb qiymənin üzərinə əlavə edirik və qovururuq.
Sonra xırda-xırda doğranmış pomidoru, bibəri, duz və pulbibəri qiymənin üzərinə tökürük və qovururuq.
"Misket" poğaçanı hazırlamaq üçün xəmirimizdən qoz boyda kündələr hazırlayırıq.
Kündəni əlimizdə açırıq və içinə hazırladığımız qiymədən qoyub bükürük.
Keks üçün olan kalka kağızı keks qabına qoyuruq, 3 kündəni belə yumruladıqdan sonra həmin o kağızın üzərinə yaxın-yaxın qoyuruq, o biri kündələri də bu formada edirik və yarım saat isti yerdə saxlayırıq.
Sonra üzərinə yumurta sarısı vurub küncüt səpirik və 180 dərəcəlik sobada bişiririk.
"Misket" poğaçamız hazırdır.
Nuş olsun!
"Üzüm" poğaça
Bu poğaçamızın xəmiri və içliyi misket poğaçada olduğu kimidir.
Bundan da qoz boyda kündələr götürürük.
4, 3, 2, 1 - kündələri ard-arda qoyuruq.
Sonra xəmiri yayırıq, yarpaqlarını kəsirik.
Və üzümün yarpaqlarını da qoyuruq, yarım saat isti yerdə saxlayırıq.
Üzərinə yumurta sarısı vurub 180 dərəcəlik sobada bişiririk.
"Üzüm" poğaçamız hazırdır.
Nuş olsun!