Tərkibi:
5 st. un
Yarım st. "Best Cow" kərə yağı(əridilmiş)
2 x.q. qatıq
1 ç.q. şəkər tozu
2 ç.q. duz
1 x.q. maya
Aparana qədər süd
İçi üçün:
2 toyuğun ağ əti
2 ədəd soğan
1 ədəd pomidor
1 ədəd bibər
1 dəstə cəfəri
3 x.q. acika
Yarım st. su
Duz
Pul bibər
Üzəri üçün:
Limon
Cəfəri
Hazırlanması:
Ərzaqları əlavə edib yumşaq xəmir yoğururuq və mayalanmağa qoyuruq.
Toyuğun ağ ətini və soğanı ət maşınında çəkirik.
Pomidor və bibəri sürtgəcdən keçiririk, cəfərini də doğrayırıq və çəkilmiş toyuq ətinin üzərinə tökürük, acika, su, duz və pul bibəri də əlavə edib yaxşıca qarışdırırıq.
Xəmirləri kündələrə bölürük.
Un töküb yayırıq və içlikdən üzərinə əlavə edib yayırıq. Listə qoyub 220-240 dərəcədə 8-10 dəqiqə bişiririk.
Üzərinə limon və cəfəri qoyuruq.
Toyuq ətli lahmacunlarımız hazırdır.
Nuş olsun!