Tərkibi:
1 st ilıq süd
1 st "Zeytun Bağları" zeytun yağı
3 ç.q maya
1 ç.q duz
Apardığı qədər un
Üzərinə vurmaq üçün 1 yumurtanın sarısı
Çörəkotu
İçlik üçün:
Kartof
Qovrulmuş soğan
"Bizim Tarla" tomat pastası
Zövqə görə ədviyyat
Hazırlanması:
Bütün ərzaqlar qarışdırılıb xəmir yoğrulur. Mayalanması üçün xəmiri 15-20 dəqiqə saxlayın. İçliyi də əvvəlcədən hazırlamaq lazımdır. Bunun üçün qaynadılmış kartofa qovrulmuş soğanı, tomat pastasını əlavə edib, zövqə görə duz, istiot vurub qarışdırırıq.
Xəmir gələndən sonra 4 parçaya ayırın. Hər bir kündəni açın.
Xəmiri tam açdıqdan sonra hazırlanan kartoflu içlikdən içinə əlavə edin.
Qaşığın tərsi ilə içliyi xəmirin hər tərəfinə yayın.
İçliyi yaydıqdan sonra kənarlardan başlayaraq ortaya doğru bağlayın.
Xəmirin açıq yeri qalmamalıdır. Buna diqqət edin.
Xəmiri soba qabına yerləşdirin. Üzərinə yumurta sarısı və çörək otu da vura bilərsiniz.
175 dərəcə isidilimiş sobada bişiririk. Üzəri qızaranda artıq bişmiş olur.
Nuş olsun.
