Tərkibi:
100 q kəsmik
100 q "Wellington" kərə yağı
100 q qatıq
200 q un
0,5 ç.q soda
Duz
İçlik üçün:
500 q istənilən göbələk növü
2-3 ədəd soğan
500-600 q katof püresi
250 q qatıq
2-3 ədəd yumurta
200 q holland pendiri
Şüyüd
Duz, istiot
Hazırlanması:
Yağ, kəsmik, un, duz qarışdırılıb ovulur.
Tədricən qatıq, soda qarışığı əlavə edib, yumşaq xəmir yoğrulur. Sellofana büküb dinlənməyə qoyulur.
Soğan xırda doğranılır, yağda qızardılır, doğranmış göbələk əlavə edib, bir yerdə qovrulur.
Xırda doğranmış şüyüd, duz, istiot əlavə edilib qarışdırlır.
Kartof püresinə duz, istiot, yumurta, qatıq qarışığı əlavə edilir və yaxşıca qarışdırılır.
Pendiri sürtgəcdən keçirib, püre qarışığına əlavə edilib qarışdırılır.
Forma yağlanır, xəmir əlnən yayılır, üzərinə göbələkli içlik hərtərəfli yayılır.
Üzərinə kartoflu-pendirli qarışıq yayılır.
Sobada 180 dərəcədə, 40-45 dəqiqə hazır olana qədər bişirilir.
Hazır piroqu 15 dəqiqə üstü örtülü saxlamaq lazımdır.
Göbələkli kartoflu piroqumuz hazırdır.
Nuş olsun!
(Tərcümə edilib)