Tərkibi:
1 paket paxlava yuxası
Bir az ağ pendir
Yarım stəkan duru yağ
Yarım stəkan su
4 yemək qaşığı "Wellington" kərə yağı
1 yumurtanın sarısı
Qaraçörəkotu
1 çay qaşığı duz
Hazırlanması:
Yağımızı əridirik.
Əritdiyimiz yağa yarım stəkan duru yağı, yarım stəkan suyu və bir az duz əlavə edib yaxşıca çırpırıq.
Paxlava yuxasının tək qatını yağlayıb üzərinə yenidən yuxa səririk. Bu da dörd qat edilir, daha nazik istəsəniz, üç qatla da edə bilərsiniz. Yuxalarımızın dörd qatını yağlayıb üst-üstə hazırlayırıq (tez etməyə çalışın ki, yuxalar qurumasın).
Ovxaladığımız pendiri yuxanın bir ucuna qoyuruq.
Çox sıxmadan şəkildəki kimi rulet formasında bükürük.
Yuxanı əvvəl ikiyə, sonra təkrar ikiyə kəsib, dörd ədəd rulet əldə edirik.
Yağlı kağız sərdiyimiz soba qabına börəklərimizi sırayla qoyuruq (Yağlı kağız yoxdursa, qabı bir az yağlayırıq).
Duru yağlı qarışıqdan 2 yemək qaşığı qədər ayırıb, yumurta sarısıyla qarışdırırıq. Börəklərimizin üzərinə çöxlu çəkirik. Bol-bol qaraçörəkotu səpib gözəl qızardırıq.
Börəyimiz hazırdır.
Nuş olsun.
(Tərcümə edilib)
XƏBƏR LENTİ
- ŞƏRHLƏR