Bu növ küftələri Cənubi Azərbaycanda yeyirlər, qaynanam tərəfindən öyrənmişəm. Hazırlanması bir az mürəkkəb olsa da, çox dadlıdır.
400-500 q. çəkilmiş mal əti
"Bizim Tarla" yaşıl noxud konservi (qorox)
2 əd. iri soğan
Kərə yağı
Cəfəri, kəvər, nanə
Zirə və zirişk
Yaşıl və qırmızı bibərlər (sarı da olar)
Təxmini 1 ovucdan çox düyü
1-2 x.q. "Bizim Tarla" "Bizim Tarla" tomat pastası
1 yumurta
Sarıkök
Azərduz yodlu narın xörək duzu, istiot
Hazırlanması:
Bir gün öncədən rahat olsun deyə, ləpələri suda qoyub bişirirsiz.
Küftələrin hazırlanması:
Suda bişmiş ləpələrin bir hissəsini ayrı qaba susuz qoyursuz, o biri hissəsi suda olaraq qalır kənarda. Susuz olan ləpələri qabda əzirsiz yaxşıcana püre kimi.
Üzərinə doğranılmış cəfəri, nanə, çəkilmiş soğan, rəndələnmiş bibərlər, zirə və zirişk, kəvər, düyü, yumurta, duz və istiot qatıb yaxşıcana qarışdırırsız, kotlet içi kimi.
Suyunun hazırlanması:
Qazanda doğranılmış soğanı qızardırsız.
Üzərinə kənarda qabda ləpəli suyu əlavə edirsiz və normal su da üstünə əlavə edirsiz. Sonra sarıkök, duz, istiot, bulyon kubiki də olar, azcana kərə yağı qatırsız və qoyursuz qaynamağa.
Kənarda 2 kiçik kasa götürürsüz.
Birinə su tökürsüz, o birisinə zirə ilə zirişkdən qarışıq hazırlayırsız.
Küftə üçün olan ətli qarışıqdan bir yekə ovuc qədər götürürsüz, o biri kasadakı suya əlinizi tez-tez batırırsız ki, küftəni formaya salanda əlinizə ət yapışmasın, küftəni yumrulayırsız top kimi, üstündən ortasına qədər iki barmaqla bir giriş kimi deşik açırsız və içinə bu biri kasadakı içlikləri əlavə edirsiz və bundan sonra küftə üçün olan ətli qarışıqdan götürüb bu deşiyi bağlayırsız (əlim batdıq olduğundan şəklini çəkə bilmədim), yaxşıcana yumrulayın ki, suda küftələr açılmasın! Əks halda, bütün yemək xarab olacaq.
Küftələri suya qoyursuz. Təxmini 20 dəq. az xodda qaynayır.
20 dəqiqə sonra düyü əlavə etmək lazımdır, 10 dəqiqə sonra isə doğranılmış bibərlər, cəfəri, nanə, kəvər, zirə qatıb 15 dəqiqə az xodda bişir.
Sonra "Bizim Tarla" tomat pastası əlavə edilir və təxmini bir 20 dəqiqə də bişir.
Süfrəyə verilmə qaydası:
Kasalara küftənin suyu töklülür və süfrənin ortasına yekə buludda küftələr ayrıcana qoyulur.
Yeyilmə qaydası:
Çörək kasadakı suya doğranılır əl ilə, qarışdırılır və üzərinə buludda olan küftələr hissə-hissə ayrılıb əlavə edilir. 1 küftə o qədər yekədir ki, onun ancaq yarısını 1 nəfər adətən yeyə bilər
Nuş olsun!