Tərkibi:
2 ədəd çuğundur
1 ədər yerkökü
3 ədəd kartof
Pomidor (İstər təbii, istərsə də, qış üçün bağlanmış tomatlıq)
¼ hissə Pekin kələmi
Bir neçə yemək qaşığı lobya (Əvvəlcədən qaynadın və borşa ən sonda əlavə edin.)
1 ədəd soğan
1 diş sarımsaq
Hazırlanması:
Yerkökü və çuğunduru nazik, uzun formada doğrayın. Sürtgəcdən də keçirmək olar. Soğanı və sarımsağı kiçik-kiçik doğrayın. Pomidoru isə kvadrat şəklində doğrayın.
Ərzaqları zeytun yağında qızardın. Bir qədər qızardıqdan sonra qazın xodunu vam edin, tavanın qapağını ağzına qoyun və 10-15 dəqiqə belə saxlayın. Əgər borşun ləzzətli alınmağını və çuğundurun öz rəngini saxlamağını istəyirsinizsə, tavaya bir çimdik şəkər tozu əlavə edin.
Kartofu kvadrat şəklində doğrayın. Əgər kartofun kraxmalı çoxdursa, onu 20 dəqiqə soyuq suda saxlayın. Kraxmal kartofdan ayrılacaqdır.
Bir qazanda su qaynadın və duz tökün. Ondan sonra isə kartofu həmin qazana əlavə edin.
Tavadakı tərəvəzlər yumşalandan sonra onu qazana əlavə edin və 10 dəqiqə qazanın ağzı yarı açıq halda qaynadın.
Bu ərəfədə kələmi doğrayın.
Demək olar ki, hazır olan supa kələm və lobyanı əlavə edin. Vam odda 10 dəqiqə də qaynadın.
Yeməyin altını söndürməzdən 2-3 dəqiqə əvvəl isə yeməyə istədiyiniz ədviyyatı, eləcə də dəfnə yarpağı əlavə edə bilərsiniz. Yeməyi daha yaxşı olar ki, bişəndən yarım saat sonra süfrəyə verəsiniz. Bişmiş tərəvəzlər bir qədər qalıb bərkisə, yaxşıdır.
Nuş olsun!
(Tərcümə edilib)