DataLife Engine > PRINT > "Meşədən gələn qonağımız" tortu (foto resept)

Tərkibi:

400 q ələnmiş un

180 q "Möcüzə" paket yağı

2 ədəd yumurta

120 q şəkər tozu

1 ç.q qabartma tozu

1 paket vanilin

1 çimdik duz

100 q qoz ləpəsi

50 q fındıq

100 q yerfındığı

50 q badam

100 q üzüm qurusu (tumsuz)

Krem üçün:

180 q "Möcüzə" paket yağı

1 qutu qaynadılmış qatılaşdırılmış süd

Üzəri üçün:

200 ml qaymaq

2 x.q qatlaşdırılmış süd

2 x.q buzlu su

2 ç.q kofe

3 ədəd rəngli yumru konfet

1 ç.q kakao

1 paket vanilin

Şəkər xəmirindən bəzək

Qida boyası (yaşıl rəngdə)

Hazırlanması:

İlk olaraq xəmiri hazırlayın. Yumşaq yağı, duzu və şəkər tozunu çalın. Sonra yumurta əlavə edin,

bir az çalın və sonda un və qabartma tozu əlavə edin. Qatı xəmir edənə qədər qarışdırın.

Sonra bu xəmiri 40 dəqiqə soyuducuda saxlayın. Daha sonra soyuq xəmiri az-az kəsib ət maşından keçirin. Sonra şəkildə gördüyünüz kimi yağlı kağızın üzərinə yığın.

190 dərəcədə qızdırılmış sobada 25 dəqiqə ərzində bişirin. Xəmir bişib hazır olduqdan sonra elə olduğu kimi soyumağa qoyun.

Bu ərəfədə ləpələri qovurun.

Hazır soyumuş, bişmiş biskviti soyuduqdan sonra bölün (şəkildə gördüyünüz kimi).

İndi isə əlinizlə bölüb xırdaladığınız biskvit qırıntılarının yarısını blenderdə xırdalayın.

İndi isə biskvitin qalan hissəsini blenderdə yenə xırdalayın, amma bıçaqlarını dəyişin ki, daha da yumşaq alınsın. Sonra bütün ləpələri çəkib xırdalayın (istədiyiniz ölçüdə və yumşaqlıqda ola bilər).

Otaq temperaturunda yumşaldılmış yağı qatılaşdırılmış südlə çalın. Vanilini üzərinə əlavə edin. Kremiz hazırdır. Birinci ovuntunu (iri çəkilmişi) bir az kremlə qarışdırın. Sonra çəkilmiş ya da doğranmış qozu üzərinə əlavə edin. Sonda isə üzüm qurusunu əlavə edin və qarışdırın. İndi isə ayrı qabda yumşaq ovuntu ilə qalan kremi qarışdırın.

Hazır kütləni əlinizlə kirpi formasına salın, amma birinci ovuntudan (iri ovuntudan). Hazır kirpi formasına saldiqdan sonra ikinci ovuntunun qarışığından (yumşaq ovuntudan) kirpinin üzərinə çəkin.

Əvvəlcə bir qabda buzlu su ilə kofe və kakaonu qarışdırın. Sonra qaymaqla qatılaşdırılmış südü və qarışmış kofe ilə kakao bir yerdə möhkəm çalınır. Sonda isə vanilin əlavə edin. Əvvəlcə kirpinin üzünü bəzəyin. Ələnmiş kakao ilə kirpinin üzü bəzənilir. İndi isə kremlə kirpinin üstünü (belini) bəzəyin. Burun, göz etmək üçün "M&M" konfetlərindən istifadə edin. Konfetləri də qatlaşdırılmış südlə yapışdırın. İndi isə kirpinin ətrafını bəzəyin. Qaymaqlı kremdən bir az götürün, üzərinə yaşıl boya əlavə edin, qarışdırın və həmin kremlə də yarpaqlar edin. Yarpaqları mətbəx şprisi ilə edin ki, kirpi gözəl görünsün. Sonda isə hazır gül və çiçəklərlə üzərini bəzəyin. Tortumuz hazırdır.

Nuş olsun!

(Tərcümə edilib)