DataLife Engine > PRINT > Yanvar Azərbaycana şaxta və yağıntı gətirəcək

Yanvar ayının birinci ongünlüyünün ortalarında Azərbaycan ərazisində hava şəraiti qeyri-sabit, soyuq və yağıntılı olacaq. Ekologiya və Təbii Sərvətlər Nazirliyinin Milli Hidrometeorologiya Departamentindən Trend-ə bildirilib ki, dekabrın 30 və 31-də ölkə ərazisində hava şəraitinin dəyişkən buludlu keçəcəyəi, arabir tutulacağı, respublikanın bıəzi rayonlarında səhər və axşam saatlarında duman, ciskin olacağı gözlənilir. Çənub küləyi üstünlük təşkil edəcək. Havanın temperaturu Aran rayonlarında gecə 0-5 dərəcə şaxta, gündüz 5-10 dərəcə isti, dağlıq rayonlarda gecə 5-10 dərəcə şaxta, gündüz 1-6 dərəcə isti, Naxçivan Muxtar Respublikasında gecə 15-20 dərəcə şaxta, gündüz 8-13 dərəcə şaxta olacaq. Yanvarın 1-də respublikanın bəzi rayonlarında hava şəraitinin az yağıntılı keçəcəyi, dağlıq ərazilərdə isə zəif qar yağacağı ehtimalı var. Bakıda və Abşeron yarımadasında dekabrın 30 və 31-də hava şəraitinin arabir tutulacağı gözlənilir. Paytaxtda əsasən, gecə və səhər saatlarında duman olacağı proqnozlaşdırılır. Gün ərzində əsasən, yağmursuz hava şəraiti üstünlük təşkil edəcək. Paytaxtda günorta 5-10 dərəcə isti olacaq. Yanvarın 1-də isə şimal küləyinin güclənəcəyi gözlənilir. Bununla əlaqədar yanvarın 1-də havanın temperaturu ötən günlərlə müqayisədə 3-4 dərəcə enəcək. Dekabrın 31-dən yanvarın 1-ə keçən gecə 2 dərəcə isti, günorta isə havanın maksimal temperaturu 5 dərəcədən yüksək olmayacaq.

Yanvarın 1-də Bakıda və Abşeron yarımadasında gün ərzində daha çox buludlu, tutqun hava şəraiti üstünlük təşkil edəcək. Həmin gün əsasən mülayim cənub-qərb istiqamətli küləyin əsəcəyi proqnozlaşdırılır. Səhər və axşam saatlarında havanın az yağlntılı olacağı da istisna edilmir. Yanvar ayında Azərbaycanda havanın orta aylıq temperaturunun iqlim normasına yaxın olacağı gözlənilir. Lakin ayın ikinci yarısında temperaturun normadan bir qədər aşağı olacağı gözlənilir. Bu barədə Trend-ə Ekologiya və Təbii Sərvətlər Nazirliyinin Hidrometeoroloji Proqnozlar Bürosundan bildirilib. Ayın ikinci yarısının bəzi günlərində anomal soyuq şaxtalı hava şəraiti üstünlük təşkil edəcək. Aylıq yağıntının miqdarının əsasən iqlim normasına yaxın, bəzi yerlərdə isə bir qədər çox olacağı ehtimal olunur.

Bakıda və Abşeron yarımadasında orta aylıq temperaturun 3-5 dərəcə isti gözlənilir ki, bu da iqlim normasına yaxındır. Ayın birinci yarısında orta sutkalıq temperatur 4-7 dərəcə, ikinci yarısında isə 3 dərəcə şaxtadan 2°-dək isti təşkil edəcək. Gecələr 0-4 dərəcə isti, bəzi günlərdə 1-5 dərəcə şaxta gözlənilir. Gündüzlər 5-10 dərəcə isti, bəzi günlərdə 3 dərəcə şaxtadan 2 dərəcəyədək isti gözlənilir. Aylıq yağıntının miqdarının iqlim normasına yaxın (norma 18-28 mm) olacağı gözlənilir.
Naxçıvan Muxtar Respublikasında orta aylıq temperatur 0-3 dərəcə şaxta gözlənilir ki, bu da iqlim normasına yaxındır. Ayın ikinci yarısında orta sutkalıq temperatur 1-5 dərəcə şaxta təşkil edəcək. Gecələr 13-18° şaxta, bəzi günlərdə 23-28° şaxta təşkil edəcək. Gündüzlər 4° şaxtadan 1°-dək isti, bəzi günlərdə 7-12° şaxta gözlənilir. Aylıq yağıntının miqdarının iqlim normasına yaxın, bəzi yerlərdə isə bir qədər çox (norma 14-25 mm) olacağı gözlənilir.
Yuxarı Qarabağ: Xankəndi, Şuşa, Xocalı, həmçinin Xocavənd, Qubadlı, Zəngilan, Laçın, Kəlbəcər və Daşkəsən-Gədəbəy rayonlarında orta aylıq temperatur 0-3° şaxta gözlənilir ki, bu da iqlim normasına yaxındır. Ayın ikinci yarısında orta sutkalıq temperatur 2-6° şaxta təşkil edəcək. Gecələr 5-10° şaxta, bəzi günlərdə 12-17° şaxta təşkil edəcək. Gündüzlər 1-6° isti, bəzi günlərdə 1-6° şaxta gözlənilir. Aylıq yağıntının miqdarının iqlim normasına yaxın (norma 16-24 mm) olacağı gözlənilir.

Qazax-Gəncə, Goranboy, TərTər, Ağdam, Füzuli, Cəbrayıl rayonlarındaorta aylıq temperatur 1-3° isti gözlənilir ki, bu da iqlim normasına yaxındır. Ayın ikinci yarısında orta sutkalıq temperatur 3° şaxtadan 2°-dək isti təşkil edəcək. Gecələr 0-5° şaxta, bəzi günlərdə 6-10° şaxta gözlənilir. Gündüzlər 4-9° isti, bəzi günlərdə 0-5° şaxta gözlənilir. Aylıq yağıntının miqdarının iqlim normasına yaxın, bəzi yerlərdə bir qədər çox (norma 10-32 mm) olacağı gözlənilir.
Balakən, Zaqatala, Qax, Şəki, Oğuz, Qəbələ, İsmayıllı, Ağsu, Şamaxı, Siyəzən, Şabran, Xızı, Quba, Xaçmaz, Qusar rayonlarında orta aylıq temperatuir 3° şaxtadan 2°-dək isti gözlənilir ki, bu da iqlim normasına yaxındır. Ayın ikinci yarısında orta sutkalıq temperatur 2-6° şaxta təşkil edəcək. Gecələr 5-10° şaxta, bəzi günlərdə 15°-dək şaxta, yüksək dağlıq
ərazilərdə 21-26° şaxta təşkil edəcək. Gündüzlər 0-5° isti, bəzi günlərdə 3-8° şaxta gözlənilir. Aylıq yağıntının miqdarının iqlim normasına yaxın, bəzi yerlərdə isə bir qədər çox (norma 22-49 mm) olacağı gözlənilir.
Mərkəzi-Aran: Mingəçevir, Yevlax, Göyçay, Ağdaş, Kürdəmir, İmişli, Ağcabədi, Beyləqan, Sabirabad, Biləsuvar, Saatlı, Şirvan, Hacıqabul, Salyan, Neftçala rayonlarında orta aylıq temperatur 2-4° isti gözlənilir ki, bu da iqlim normasına yaxındır. Ayın ikinci yarısında orta sutkalıq temperatur 2° şaxtadan 2°-dək təşkil edəcək. Gecələr 0-5° şaxta, bəzi günlərdə 8°-dək şaxta gözlənilir. Gündüzlər 5-10° isti, bəzi günlərdə 4° şaxtadan 1°-dək isti təşkil edəcək. Aylıq yağıntının miqdarının iqlim normasına yaxın, bəzi yerlərdə isə birqədər çox (norma 17-30 mm) olacağı gözlənilir.
Masallı,Yardımlı, Lerik, Lənkəran, Astara rayonlarında orta aylıq temperatur 2-5° isti gözlənilir ki, bu da iqlim normasına yaxındır. Ayın ikinci yarısında orta sutkalıq temperatur 2° şaxtadan 2°-dək isti təşkil edəcək. Gecələr 4° şaxtadan 1°-dək isti, bəzi günlərdə 5-9° şaxta, dağlarda 12-17° şaxta gözlənilir. Gündüzlər 5-10° isti, bəzi günlərdə 0-5° şaxta gözlənilir. Aylıq yağıntının miqdarının iqlim normasına yaxın, bəzi yerlərdə isə bir qədər çox (norma 63-98 mm) olacağı gözlənilir.
Mənbə: Milli.Az