Siz özünüzdən çox tez çıxırsınız və uşağınıza eşitməyə alışmadığı sözləri deyirsiniz, lakin sonra peşman olursunuz, nə edəcəyinizi bilmirsiniz və utanırsınız-bu səhvləri düzəltmək mümkündür.
Bu xoşagəlməz hal olsa da hazır ki zamanda əksəriyyət valideynlər uşaqların qarşısında özlərini ələ ala bilmir və necə deyərlər “partlayırlar”. Bəzən bu hirslənməyin səbəbi uşaqlar bəzən isə başqa insanlar olur, amma bunun cəzasını uşaqlar alır. Nə yaxşı ki, bunun qarşısını almaq üçün sadə və düzgün yollar var. İlk öncə bu bilmək lazımdır ki, uşaqların gözü qarşısında hirsini boşaltmaqla analar öz valideynlik avtoritetini zərbə altına atmış olurlar. Bu uşaq psixikasına vurulmuş ən ağır zərbələrdən biri hesab oluna bilər. Adət halını almış qışqırıqlara alışan uşaq getdikcə daha az həssas və daha çox aqressiv olur. Belə uşaqlar tez-tez depressiyaya düşür. Yaşı az olanlara isə bu daha çox təsir edir. Məktəbə yeni getməyə başlayan uşağın bütün dünyası hələki yalnız valideynlərindən ibarətdir və əgər onlar böyük bir mübahisənin şahidi olurlarsa bu uşağın bütün xəyallarını və dünyasını darmadağın edir. Belə hallarda uşaqlar düşünməyə başlayır və kiçicik beyinlərində yalnış nəticələrə gələ bilərlər onlar hesab edir ki, bütün mübahisələrin səbəbi uşaqlardır. Bir tərəfdən uşağa çox hirslənmiş lakin sonradan özünü ələ alıb övladından üzür istəyən analar övladına daha yaxşı təsir bağlçlayır. O düşünür ki, hər kəsin hisləri və zəif yerləri vardır. Əziz analar, əgər siz çox hirslisinizsə lakin övladınıza yaxşı örnək olmaq istəyirsinizsə belə bir addım ata bilərsiniz.
Ona hirsləndiyiniz zaman övladınızın yeni doğulmuş vəziyyətini yadınıza salın, təsəvvür edin o necə köməksizdir, eyni zamanda bədəninizdən bir parçadır, necə şirindir, o körpə sizin sevginizin bəhrəsidir, onun yegənə qoruyanı sizsiniz.
Bunları düşündükcə sakitləşməyə başlayacaqsınız. Bundan sonra başqa bir otağa gedin və ya bir neçə addım kənara çəkilin. Əmin ola bilərsiniz bu üsul sizə kömək olacaq!
Lakin əgər siz özünüzü saxlaya bilməyib övladınıza həddindən çox qışqırmısınızsa belə bir cümlədən istifadə edə bilərsiniz. “Mən çox məyus olmuşam, sən özünü pis apardın, məni çox incitdin. Lakin mən belə qışqırmamalı idim, buna görə üzür istəyirəm”.
Bunlardan əlavə bəzən valideynlər öz aralarında ciddi mübahisələr edir və uşaqlar da bunu şahidi olur. Diqqət edin!!! Bu çox pis nəticələrə gətirə bilər. Belə hallarda əsla mübahisənizin səbəbini övladınıza izah etməyə çalişmayın, çünki bundan uşaq daha çox narahat ola bilər. Bunun əvəzinə isə belə bir cümlədən istifadə edin. “Biz bir-birimizə hirslənmişdik. Birlikdə yaşayan insanlar bəzən bir- birinə hirslənə bilərlər, lakin indi danışıb problemimizi həll etdik. Biz qışqırmağımıza görə peşmanıq, sən narahat olma unutma ki, biz bir-birimizi çox sevirik”