Sağlam bir uşaq üçün valideynlər nələrə diqqət etməlidirlər? Sağlam uşaq böyütmək düşündüyümüz qədər də asan məsələ deyil. Bunun üçün aşağıdakı qaydalara əməl etmək lazımdır:
Sağlam ana: Sağlam nəsil yetişdirməyin birinci qaydası sağlam ana və sağlam ailə şəraitidir. Hamiləlik dönəmində gələcək analar düzgün qidalanmalı, sağlamlığını qorumalı və lazımı analizləri vaxtında verməlidir.
Peyvənd: Uşaqların təhlükəli mikroblara qarşı dayanıqlı olmaları üçün peyvəndlərin vaxtında vurulması vacibdir.
Qidalanma: Uşaq mövsümə uyğun olaraq bol meyvə-tərəvəz yeməlidir.
Tərkibi məlum olmayan qidalardan uzaq olsa yaxşı olar.
Sağlam dişlər: Uşaqları, dişlərə zərərli olacaq qazlı, şəkərli, qidalardan çəkindirməlisiniz. Səhər yeməyindən sonra və yatmamışdan əvvəl dişlərini mütləq fırçalamağı adət etməlidirlər.
Sağlamlıq müayinələri: Mütəmadi həkim müayinəsi xəstəliyin vaxtında müəyyənləşməsi və uğurlu müalicə deməkdir. Bəzi xəstəliklərin ilkin əlamətləri erkən dövrlərdə özünü göstərir.
Idman: Körpəyə doğulan andan başlayaraq idman hərəkətləri edilməlidir. Iməkləmə və yeriməyə başlaması ilə birlikdə hərəkətliliyini artıracaq şərait yaradılmalıdır. Idman uşağn təhsilinə də müsbət təsir göstərir.
Uşağınızla çox vaxt keçirdin: Ana və atası ilə çox vaxt keçirməyən uşaqlarda, bəzi davranışlarında, məktəbdə və dostları ilə də problemlər ortaya çıxır. Belə problemlərlə qarşılaşmamaq üçün uşaqlarınızla çox vaxt keçirdin.
Təhsil: Sağlam nəsil üçün valideynlərin üzərinə düşən ən böyük vəzifə övladlarına təhsil verməkdir.