Xanımlar, istilər düşən kimi bir çox uşaq ya dənizə, ya da  hovuza getmək istəyir. Bəs hovuzlar uşağınız üçün nə qədər etibarlıdır? Uşaqlarınızı sudakı xəstəliklərdən qorumanın yolları ilə tanış olaq.

Körpələr, ya da yeni gəzməyə başlayanlar suda bez taxa bilərmi?

Körpə bezlərinin sualtında istifadə edilmək üçün müxtəlif növləri var. Bunlar uşağınızın ayaqlarının və belinin rahatlanmasını təmin edir, lakin bu bezlər su keçirməyən deyil. Ayrıca, uşağınızın nəcisi bezdən sıza bilər. Çirkli bir körpə bezi də ishala gətirib çıxaran mikroblar ehtiva edə bilər. Bu mikroblar üzmə hovuzunda çox asan yayıla bilər. Bu vəziyyət xüsusilə immun sistemi aşağı olan insanlar üçün çox ciddi nəticələr doğura bilər. Sudakı sidik nəcisdən daha az risklidir. Lakin uşaqlar bez taxdığı üçün bu ikisini ayırd etmək çətin olur. Əgər körpəniz üzərkən bez taxacaqsınızsa, nizamlı olaraq bezini dəyişdirin, ya da tualetə aparın. Körpəniz ishaldırsa, üzməsinə qəti icazə verməyin. Ayrıca, körpə bezlərindən isti hovuzlarda, ya da spa mərkəzlərində istifadə edilməməlidir.

Uşaqların hovuz suyunu udması təhlükəlidirmi?

Uşağınız xüsusilə üzməyi yeni öyrənərkən mütləq su udacaq. Az miqdarda udulan hovuz suyu problem deyil, lakin çox su xəstəlik yarada bilər. Uşağınızın hovuz suyunu içməsinə icazə verməyin.Onu ağzına girən suyu çıxarmasına təşviq edin.

Uşağınızın qulağında balonlar varsa, üzə bilərmi?

Əgər uşağınız qulaq balonundan istifadə edirsə, üzərkən qulaqlarını qoruyacaq bir yol olub-olmadığını həkiminizə məsləhətləşin. Bəzi həkimlər qulaq balonu olan uşaqların üzərkən orta qulağa bakteriya girişinin qarşısını almaq üçün qulaq tıxacları taxmalarını təklif edirlər. Üzgüçünün qulağını qorumaq üçün onu üzərkən qulaq tıxacı taxması mövzusunda cəsarətləndirin. Üzdükdən sonra dərhal qulaqlarını dəsmal, ya da aşağı istilikdəki saç qurutma alətiylə qurudun. Uşağınızın qulağına pambıq tıxamayın, çünki pambıq qulaq kanalını zədələyə və infeksiya üçün potensial bölgə yarada bilər.

Üzdükdən sonra uşağınızın gözləri niyə qızarır?

Xlorlu su uşağınızın gözlərinni qızarmasına və şişməsinə səbəb ola bilər. Üzdükdən sonra qızarıqlığı və şişliyi azaltmaq üçün uşağınızın gözlərini steril göz suyu ilə, ya da süni gözyaşı lasyonu ilə yuyun. Bu vəziyyətin qarşısını tamamilə almaq üçün uşağınıza üzərkən sualtı eynək taxmasını tövsiyə edin.

Üzmə dərsinə başlamaq üçün ən uyğun yaş neçədir?

Bir çox uşaq üzməyi və velosipedə minməyi eyni yaşlarda öyrənə bilər. Amerika Pediatriya Akademiyası 4 yaş və 4 yaşdan yuxarı uşaqlar üçün üzmə dərslərinin uyğun olduğunu söyləyir.

Uşağınız xəstədirsə, bir yerində kəsik və ya sıyrıq varsa, üzə bilərmi?

Əgər uşağınız soyuqlayıbsa və ya başqa kiçik problemləri varsa, özünü yaxşı hiss etdiyi müddətcə üzə bilər. Eyni şəkildə kəsik, ya da sıyrıq olan bölgəsində qanaması yoxdursa, rahatca üzə bilər.

Yemək yedikdən sonra üzmək olarmı?

Yüngül yeməkdən sonra dərhal üzmək qorxulu deyil. Əgər uşağınız ağır yeməkdən sonra özünü narahat hiss edirsə, üzmədən əvvəl bir az istirahət etməlidir.