Bu qidalar sizə və körpənizə zərər verə bilər!
Hamiləlikdə qidalanmağa həmişəkindən daha çox diqqət yetirilməsi lazımdır. Dietoloq Oya Neva Demirkol, ana namizədlərinin yeməməli olduqları qidaları sıralayıb.
Bir qadınin həyatında yaşaya biləcəyi ən gözəl mərhələni yaşayırsınızsa, həm körpəniz həm də özünüz üçün həssas olan bir vaxtda, qidalanmağınıza da xüsusi fikir verməyiniz vacibdir. Çünki hamiləlikdə istehlak edəcəyiniz bəzi qidalar sizin və körpənizin sağlamlığına mənfi istiqamətdə təsir edə bilər. Məhz hamiləlikdə uzaq durmağınız lazım olan qidalar bunlardır:
Çiy və az bişmiş ət:
Hamiləlikdə çiy və ya az bişmiş ət məhsullarından mütləq uzaq dayanmalısınız. Bu qidalar tam bişmədikləri üçün yoluxma riski çox yüksəkdir. Hər hansı bir yoluxma vəziyyətində parazitlərin və bakteriyaların törəməsinə səbəb olaraq; uşaq salmalara, yarımçıq doğumlara, körpə ölümlərinə və göz və sinir sistemi narahatlıqları kimi digər bir çox narahatlığa səbəb ola bilər. Buna görə də, hamiləlikdə istehlak etdiyiniz ət və ət məhsullarının yaxşıca bişirilmiş olduğuna mütləq əmin olun. Yarı çiy və olduqca duzlu olduqları üçün sosiska, sosiska kimi et məhsullarından isə mümkün qədər uzaq dayanmağa çalışın.
Pasterizə edilməmiş süd məhsulları:
Pasterizə olmayan süd məhsulları də hamiləlikdə böyük risk daşıyan qidalardan hesab olunur. Bu qidalarda, listeria adlı bakteriya növünün mövcudluğu ehtimalı olduğundan görə hamiləlikdə yalnız pasterizə (yaxşıca qaynadılmış) süd məhsullarından istifadə edin. Əks təqdirdə bu bakteriya, uşaq salmağa, erkən doğumlara və körpədə anadangəlmə çatışmazlıqlara səbəb ola bilər. Açıq südləri də ev şəraitində yüksək dərəcədə qaynada bilməyəcəksinizsə bağlı qablaşdırılmış südləri seçim etməlisiniz.
Çiy dəniz məhsulları:
Çiy dəniz məhsulları eynilə çiy ət kimi parazit və bakteriya növlərinin törəməsinə şərait yarada bilir. Bu səbəbdən də körpənizə və öz sağlamlığınıza zərər gəlməməsi üçün hamiləliyiniz vaxtı midye, istridyə, nərə kimi çiy və az bişmiş dəniz məhsullarından uzaq durun. Balıq yeyərkən diqqət yetirməli başqa nöqtə, balıqların tərkibində olan metil, civə miqdarıdır. Ətraf mühitin natəmizliyinə görə yediyiniz balığda civə səviyyəsi çox ola bilər və bu vəziyyət körpənizin beyin inkişafına zərər verərək inkişaf problemlərə yol aça bilər. Buna görə qılınc balığı, köpək balığı, uskumru kimi civə səviyyəsi yüksək balıqlarını yeməyin.
Çiy yumurta:
Çiy yumurta da hamiləlikdə diqqət tələb edən qidalardandır. Çiy və ya az bişmiş yumurtada şiddətli qida zəhərləməsinə səbəb olan salmonellamaddəsi var. Buna görə çiy yumurta ilə hazırlanan şirniyyat, mayonez və digər bu kimi məhsullardan, qidalardan mütləq uzaq dayanmalısınız.
Kofein:
Hamiləlikdə kofenin istifadəsi də mütləq diqqət edilməsi lazım olan məsələlərdən biridir. Kofein, erkən doğum və uşaq salma probleminə səbəb ola bildiyi kimi, körpədə hiperaktivliyin də rast gəlinməsinə şərait yaradır. Hamiləlikdə qəbul edilməsi lazım olan kofein miqdarı gündə 200 mq ilə məhdudlaşır. 1 fincan qəhvənin tərkibində təxminən 100-120 mg kofen var. Halbuki, eyni miqdar çayda 40-50 mq kofein olur.
Salatlar:
Tərəvəzin tərkibində olan yüksək miqdarda liflər hamiləliyin vacib olan qidalarından hesab olunur. Ancaq salatınızın yediyiniz yer böyük əhəmiyyət daşıyır. Çünki bu çiy tərəvəzlərin içərisində listeria bakteriya növü meydana gələ bilər, sizin və körpənizin sağlamlığını riskə ata bilər. Buna görə evdə salatalarınızı hazırlayarkən bol su ilə yumağa və sirkə ilə dezinfeksiya etməyə çalışın. Əgər çöldə salat yeyəcəksizsə mütləq təmiz və etibarlı bir mühitdə hazırlandığından əmin olun.