Yaşınız 30-u keçdi və ana olmaq istəyirsinizsə.
Ana olmaq yaşı get-gedə artır. Qadınların iş həyatında karyera qurmaları, evlilik və körpə planlarının gec yaşda olmasına gətrib çıxarır. Bu səbəblə 30 yaş və ondan yuxarı yaşlarda planlanan hamiləliklərdə ana və körpə sağlamlığı baxımından böyük əhəmiyyət daşıyır. Memorial Ankara Xəstəxanası Qadın Xəstəlikləri və Doğum Hissəsindən Op. Dr. Nəsrin Fənər, 30 yaş və 30-dan yuxarı yaşlarda sağlam bir hamiləlik müddəti üçün diqqət edilməsi lazım olanları izah etdi.
Hamiləlik üçün ən ideal yaş dövrü 20-30 yaş aralığı qəbul edilir.
Hamiləlik üçün ən uyğun dövr olaraq bilinən 20-30 yaş arası qadınlar üçün psixoloji və fizioloji olaraq ən uyğun zamandır. 35 yaşdan yuxarı namizədlərin hamiləlikləri riskli hamiləlik qrupuna aiddir.
Xroniki xəstəliklər həm yaşı çox olan hamilələr üçün , həm də körpələr üçün risklidi.
Hamiləlik müddəti bədəndəki bütün orqanlara təsir edir və bir çox dəyişiklik meydana gəlir. Sağlam bir insanda bu dəyişikliklər asanca həll edilə bilər. Ancaq ana namizədində hamiləlikdən əvvəl yüksək təzyiq, ürək xəstəliyi, şəkər xəstəliyi kimi xəstəliklər olduğu halda risklər artır.
Yaş həddi çox olan hamilələri və körpələrini gözləyən risklər:
• Xarici hamiləlik
• Erkən doğum və ya hamiləliyin sonlanması təhlükəsi
• Körpənin anadangəlmə qüsurlarla dünyaya gəlməsi
• Körpədə inkişaf geriliyi və iri körpə
• Anada hamiləlik əsnasında yüksək təzyiq və hamiləliklə bağlı şəkər xəstəliyi
• Ananın ölüm riski, qanama və qeysəriyyə yolu ilə doğum
Ancaq hamiləlik dövrü həkim tərəfindən idarə olunsa, hamiləlik dövrünü rahat keçirmək və sağlam körpələr dünyaya gətirmək mümkündür.
Bir çox hamiləliklər daha çox diqqət istəyir.
Yaşına görə təbii yollarla hamilə qalma nisbəti azaldığı üçün köməkçi artırma üsullarına əl atırlar. Buna görə də erkən körpə doğuşları, körpə itkiləri və xəstəlikləri artmaqdadır. Bundan əlavə doğuş və hamiləlik prosesinin maddi yükü də artmaqdadır.
Yaş çox olsa da sağlam bir körpə dünyaya gətirmək üçün ...
Hal-hazırda tibb sürətlə inkişaf etməkdədir və bir çox yeniliklər yaranır. Bütün bunlara əlavə olaraq ana namizədlərinin təhsilli və şüurlu olması, nizamlı olaraq həkimlər tərəfindən müayinədən keçməsi ilə sağlam bir körpəyə sahibi olmaları mümkündür.
Bundan əlavə:
• hamiləliklərin planlı olması,
• Hamiləlikdən əvvəl lazım olan həkim müayinələrindən keçməli və analizlər verməsi,
• Zərərli vərdişlərin buraxılması,
• Sağlam qidalanma ilə xoşbəxt və sağlam bir hamiləliyin başlanmasını təmin edilə bilərsiniz.