Ana namizəndləri nə yesə körpəsi də onu yeyir, nə içsə körpəsi də onu içir. Buna görə də körpənizin sağlamlığı üçün hamiləlik başladığı andan ana südündən kəsilənə qədər nə yeməli olduğunu bilməlisiniz. Ana bətnindəki körpə sizin yediyiniz qidalardan vitamin, mineral, zülal alaraq öz bədənini, orqanlarını, daxili orqanlarını və beynini inkişaf etdirəcək və inkişafını tamamlayacaqdır. Hər bitkiyə, hər tərəvəzə və hər meyvəyə bu inkişaf mərhələsində körpənizin ehtiyacı vardır. Və unutmayın ki, həmin körpə sizin bir parçanızdır. Onun sağlam olması həyatda hər şeydən əhəmiyyətlidir. Buna görə də körpənin sağlam olması üçün sağlam qidalanmağınız lazımdır.
Zülalla zəngin olan qidalar: yumurta, balıq, ət, süd, qatıq, toyuq, pendir, fındıq, qoz. Eyni zamanda bu qidalar zülal ilə birlikdə kalsium, dəmir və B vitamini cəhətdən də zəngin olan qidalardır.
Körpənizin sümük quruluşunun tam və sağlam inkişafı üçün
Kalsium: Böyümənin son dövründə sümük toxumasının sürətlə inkişafı əsnasında körpənin daha çox kalsiuma ehtiyacı vardır. İnkişafını davam etdirən dölün diş köklərinin və sümük köklərinin meydana gəlməsi və böyüməsi üçün də kalsium son dərəcə əhəmiyyətli və lazımlı bir mineraldır. Qadın hamiləliyi boyunca kifayət qədər kalsium qəbul etməzsə, körpə ana namizədinin sümüklərində olan kalsium ilə inkişafını tamamlayacaqdır. Hamiləlik dövründə və ya doğumdan sonra ananın dişinin tökülməsi hamiləlik dövründə kifayət qədər kalsium qəbul etməməsinin və körpənin kalsium ehtiyacını anadan almasının nəticəsidir.
Kalsiumla zəngin olan qidalar: süd və süd məhsulları, taxıl məhsulları, dənli bitkilər, qurudulmuş meyvələr, doşab, küncüt, fındıq, fıstıq, limon, çiyələk.
Bu bitkilər ana südünü azaldır: nanə, cəfəri, nişasta unu, adaçayı, şəkər qamışı, arpa və arpa unundan hazırlanmış qidalar, həddindən artıq duzdan istifadə etmək, qarğıdalı, duzlu qidalar, turşular, sirkə və limon suyu. Bunlardan çox istifadə edilməsi ana südünü azaldaraq körpənizi süddən kəsməyinizə səbəb ola bilər.
Ana südünün azalmasının bir başqa səbəbi isə qalxanvari vəzinin normal işləməməsidir. Bu vəziyyətdə həkimə müraciət etmək lazımdır, çünki ana südü ilə qidalanan körpənin alacağı yod çox əhəmiyyətlidir. Körpənin beyin inkişafı da yoddan asılıdır. Yod qalxanvari vəzinin sağlam işində da birinci dərəcədə əhəmiyyətli amildir.
- Ana hamiləykən heyva yesə, qan dövranına faydalı olar.
- Kahı yemək ana südünü artırar.
- Noxud yemək ana südünü artırar.
- Bal şərbəti tıxanan damarları açır, südü artırır.
- Kök toxumu su ilə qaynadılıb içilir.
- Şüyüd su ilə qaynadılıb içilir.
- Cirə su ilə qaynadılıb içilir.
- Turp toxumu su ilə qaynadılıb içilir.
- Gicitkən otu su ilə qaynadılıb içilir.
- Qırmızı mərci, qarğıdalı unu, yulaf unu şorba edilib içilir.
- Çörəkotu ilıq bal şərbəti ilə içilsə, ana südünü artırar.
- Püstə ana südünü artırır. Çox yemək isə başağrısı yarada bilər.
- Soğan ana südünü artırır. Çox yemək isə körpədə qarın ağrısı yaradar.
- Heyvanı balla bişirib sıyıq halında yemək süd yollarını açır.