“Tom və Cerri” Villiam Hanna və Cozep Babera tərəfindən yaradılmış qısa metrajlı cizgi serialıdır.
Bu, ev pişiyi olan Tom (tam adı Tomas) və onunla eyni evdə yaşayan siçan Cerrinin mübarizələrini əks etdirən cizgi serialının ümumi adıdır.
Bu mübarizə bəzən ciddi, bəzən zarafatyana olsa da, daim gülməlidir.
Bu animasiya 1940-cı ildə ilk dəfə hazırlanmışdır.
1940-ci ildən 1958-ci ilə qədər 114 qısa filmi çəkilmişdir.
Hər seriya isə təqribən 6-9 dəqiqədir.
Daimi animatorları İrvin Spens, Kennet Myus, Rey Patterson və Ed Barcdır.
Onu da qeyd edək ki, İrvin Spensin sevdiyi personaj Tom idi.
Cizgi serialının bəstəkarı Skott Bredli caz və klassik musiqini birləşdirərək mürəkkəb partituralar yaratmışdır.
Filmdə Tom və Cerridən başqa da personajlar vardır.
Bunlar hər seriyanın özünə xas olaraq üzə çıxan personajlardır.
Bəziləri Tomun dostu, bəziləri Cerrinin dostu, bəziləri isə onların ümumi mübarizə aparmalı olduqları düşmanları olur.