Cizgi filminin əsl adı belədir: “Süngər Bob kvadrat şalvar” (“Sponge Bob Square pants”).
Bu cizgi filmi Amerika Birləşmiş Ştatlarında yaradılmışdır və Amerikanın ən məşhur animasiyalı cizgi seriallarından biridir.
Filmin rejissorları Derek Draymon (17 iyul, 1999 – 19 noyabr, 2004) və Vinsent Uoller (6 may 2005-ci ildən) olub. Yaradıcısı və ssenari müəllifi isə Stiven Hillenberqdir.
“Süngər Bob” cizgi serialı cəmi 9 fəsildən ibarətdir.
Hər seriyanın müddəti müxtəlifdir: 3-8-11-15-22-40-60 dəqiqə.
Süngər Bob cizgi filminin əsas qəhrəmanıdır. Patrik isə onun qonşusu və ən yaxın dostudur.
Onların ən çox sevdiyi məşğuliyyətlərdən biri meduza ovlamaqdır.
Onların digər qonşuları Aquidvard isə bunu heç sevmir.
O, həmişə Boba bu məşğuliyyətdən əl çəkməyi tövsiyyə edir.
Süngər Bob sualtı həyatı yaşayır və okeanın dibində onun öz işi, evi və dostları vardır.
Hər seriyada bu sualtı aləmdə bir hadisə baş verir və Bob bu hadisələrin, demək olar ki, mərkəzində olur.
