Xəbərimin ikinci hissəsi ilə qarşınızdayam. Buyurun, iş vərəqləri ilə tanış olun.
Onu da vurğulayım ki, bu vərəqlərin köməkliyi ilə rəqəmləri bilməyənlərə də rəqəm öyrətmək mümkündür.
Uşaqların çoxu şəkil çəkib rəngləməyi sevir.
Bu şəkildəkiləri çəkərkən uşaqlara bir-bir rəqəmləri göstərib deyə bilərsiniz.
Növbəti vərəqdəki rəqəmləri isə özü sərbəst ardıcıllıqla tapmağa cəhd edə bilər.
Beləliklə də o, rəqəmləri öyrənmiş olacaqdır.
Burada əsas məqsəd odur ki, uşaqları əyləndirərək öyrədək.
Əylənərək öyrənilən hər bir şey yaddaşa daha güclü həkk olur.
Çünki ilk olaraq uşaqlarda öyrənməyə dair maraq yaranır.
Maraqla edilən hər bir şey isə daş üzərinə həkk edilmiş yazı kimidir.
Uşaqlarda elə kiçik yaşlarından öyrənməyə, elmə marağı, sevgini bu yollarla aşılamaq lazımdır.
Beləcə biz cəmiyyətimiz üçün yararlı, savadlı gənclər yetişdirmiş olarıq.
