Əziz Qadın.Netlilər, bir çoxunuz Pixarın istehsalı olan "Maşınlar" animasiya filmini görübsünüz. Uşaqların, əsasən də oğlan uşaqlarının sevimlisi olan bu animasiya filmi, həqiqətən də, maraqlı və rəngarəngdir. Bu xəbərimdə bu animasiya filmini sevən dəcəl balalar üçün pazllar hazırlamışam. Ümid edirəm ki, bəyənər və faydalanarsınız. Əgər əlavə hansısa animasiya filmi və ya cizgi filminin pazl şəklində təqdim edilməyini istəyirsinizsə, o zaman şərhlərdə adlarını qeyd edin. Mən də müəyyən zaman çərçivəsində onları hazırlayıb sizə təqdim edim. 
"Maşınlar" animasiya filmi ilk dəfə 2006-cı ildə çəkilərək yayımlandı.
Pixarın çəkilişi və Disneyin yayımlandığı bu animasiya filmi qısa zaman ərzində çoxlarının sevimlisinə çevrildi.
Filmin ilk hissəsində yarışda qalib gəlmək istəyən bir maşından danışırılır.
Şimşək adlı bu maşın qalib olmaq üçün əlindən gələn hər şeyi etməyə hazırdır.
Sağlam rəqabətlə qalib gəlmək istəməyinə baxmayaraq o, özündən razı və təvazökarlığın nə olduğunu belə bilməyən bir xarakteri canlandırır.
Film boyunca psixoloji olaraq inkişaf edən bu obraz sonra özündə müsbət xüsusiyyətləri cəmləyə bilir.
Bu animasiya filminin ilk hissəsinin müddəti 116 dəqiqədir.
Amerika istehsalı bir filmdir.
Bu animasiya filminin ilk hissəsinin ümumi büdcəsi 120,000,000 Amerika dollarıdır.
Filmdən əldə edilən gəlir isə 461,983,149 Amerika dolları oldu.
Əgər hələ də bu animasiya filminə baxmayıbsınızsa, baxmağınızı məsləhət görürəm.
