Əminəm ki, "X-O" oyunu hər birimizə tanışdır. Uşaq vaxtı bu oyunu çox oynamışıq. İndi isə sizə bu oyunun başqa bir formasını təqdim etmək istəyirəm. Uşaqlar üçün bu oyunu adi vərəqə çəkib oynamaq bir qədər maraqsız ola bilər. Ona görə də köhnə oyuna yeni bir canlılıq qatmaq qərarına gəldik. 
Bu oyun məntiqi oyundur və uşaqlarda məntiqi təfəkkürü inkişaf etdirir.
3 ədəd X və ya O işarəsini üfüqi, şaquli, diaqonal formalarda ardıcıl ilk düzən şəxs qalib hesab edilir.
Bu oyun iki nəfərlik oyundur.
Oyun sahəsi üçün rəngarəng iş vərəqləri təşkil edilib.
Oyun oynanılan sahənin belə rəngarəng olması uşaqlar üçün daha maraqlı olacaqdır.
Oynayanların qız və ya oğlan olacağı nəzərə alınaraq hər cür rənglərdən istifadə edilib.
Oynamazdan əvvəl, qoyun, uşağınız özü istədiyi rənglərdə olan iş vərəqlərini seçsin.
İndi isə X ilə O-ı simvolizə edən şəkillərə gəlib çatdıq. X və O əvəzinə kəpənək və pandadan istifadə edə bilərsiniz.
Bundan əlavə, qızlar üçün üzük və qız şəkilləri var.
İçki və kiçik piroqlar.
Oğlanlar üçün top və binokl.
Qurbağa və cücə.
Yeməksevərlər üçün yumurta və hotdoq.
Naringi və pomidor.
Uşağınız hansını istəsə, onu da seçib kəsin və oyuna başlayın. Uşağınızla əyləncəli zaman keçirmək diləyi ilə.
