Əgər siz hələ də “Mənfur mən” adlı animasiya filminə baxmamısınızsa, o zaman tam zamanıdır. Bu film sizə gülüş dolu anlar bəxş etməklə yanaşı ailənin dəyərini də izah edəcəkdir. Bu gün balacalar üçün bu animasiya filminin boyama şəkillərini və baxmayanlar üçün də qısa özətini vermək istəyirəm.
Filmdə Qru Felonius Mekson adlı zalım, mənfur, yalançı və oğru olan baş rol ifaçısı var.
Həkim Nefario isə onun köməkçisi və hiyləgər məqsədli kəşflər edən bir qəhrəmandır. O, mənfur olduğu qədər də cəsarətlidir.
Vektor – Əsl adı Viktor Perkinsdir. Qru ilə rəqabətdədir və öndə gedən oğrulardandır.
Marlena – Qrunun anasıdır. Bir qədər qəzəblidir və Qruya heç bir zaman dəyər vermir.
Marqo – üç bacının ən böyüyü və ağıllı olanıdır.
Edit – ortancıl bacıdır. Hər zaman çəhrayı papaqda gəzir. Qorxuducu filmlərin və oyuncaqların həvəskarıdır.
Aqnes – Ən kiçik bacıdır. Təkbuynuzlu atların həvəskardır və yetim olduqları üçün də ən nikbin və tez inciyən olanlarıdır.
Minyonlar – Sarı rəngli canlılardır. Kiçik və sevimlidirlər. Əylənməyi çoox xoşlayırlar. Qrunun işçiləridir.
Qru Ayı oğurlamağa nail olsa da Hektor hər cəhətdən onu qabaqlayır.
“Oğrudan oğurlamaq oğurluq deyil” məsəli ilə Vektor ondan hər şeyi oğurlayır.
Qru isə 3 yetim bacını bu işə qataraq onlardan istifadə etmək istəyir.
Bu bacılar isə Qruda heç kimin görmədiyi bir xüsusiyyəti görürlər. Onar Qruya gözəl bir ata namizədi kimi baxırlar və film boyu Qru da dəyişərək bu 3 balaca qıza sevgi bəsləməyə və onların qayğısına qalmağa başlayır.
Bu filmə baxarkən ən çox bu sarı minyonlar adamı əyləndirir.
Əminəm ki, uşaqlarınız filmə baxdıqdan sonra sevə-sevə bu rəngləmərlə məşğul olacaqdır.
