Uşaqlarınıza ingilis dilini öyrətməyə hazırsınızmı?
Əziz istifadəçilərimiz, bildiyiniz kimi, artıq çox məktəbdə birinci sinifdən başlayaraq ingilis dili tədris edilir. Övladınızı məktəbə hazırlayarkən ona Azərbaycan dilində hərfləri yazıb-oxumağı, saymağı və bir sıra başqa məlumatları öyrədirsiniz. İndi də gəlin onların ingiliscə öyrənməsinə kömək edək. Yağmur damlası adlı isdifadəçimizin xahişi ilə uşaqların məktəbəqədər təhsili kimi bu ingiliscə xəbərə başladım, ilk öncə hərfləri yazmağa kömək edək:
Yadda saxlamaq lazımdır ki, kiçik yaşlı uşaqlar tez yorulur, ona görə də bəzən onları öyrədərkən əyləndirici xarakterli oyunlar və mahnılardan da istifadə etmək lazımdır. Hərfləri yazmağı öyrətdikdən sonra, ona "Əlifba" mahnısını (ABC song) öyrədə bilərsiniz. Həm də ingiliscə məlumatı olmayan evdar analarımız bu mahnıda hərflərin oxunuşuna da nəzər yetirə bilərlər.
Hərfləri öyrətdikdən sonra hər hərfə uyğun bir-iki söz öyərdin ki, hərfləri o sözlərə görə daha yaxşı yadda saxlasın.
Düşünməyin ki, mənim sizə təqdim etdiyim sözlər çətindir, əsla yox! Mən bu sözləri dörd yaşlı uşağa öyrətmişəm. Bəlkə də bəzi sözləri ilk anda yadda saxlamaya bilər, ancaq tez-tez işlədin, beləcə hafizəsinə həkk olunacaq. Beləliklə, bu cədvəldəki sözlərin oxunuşunu və mənasını bir daha təkrarlayaq:
apple (əpl)- alma
bag (bəg)- çanta
earth (ös)- yer
flowers (flavəs)- güllər
ice-cream (ays-krim)- dondurma
juice (cus)- şirə
car (ka)- maşın
dress (dres)-don
gift (gift) - hədiyyə
house (haus)- ev
key (ki)- açar
lamp (ləmp)- lampa
motorcycle (motosaykl)- motosikl
nuts (nats)- qoz, fındıq
quilt- (kvilt)- yorğan
rucksack (raksək)- bel çantası
umbrella (ambrelə)- çətir
vase (vaz)- vaza
orange (orinc)- portağal, narıncı rəng
pen (pen)- qələm
scissors (sizəz)- qayçı
telephone (telifoun) - telefon
watch (voç)- qol saatı
xylophone (zailəfoun)- ksilofon (musiqi aləti)
yacht (yot)- yaxta (motorlu, yaxud yelkənli yüngül gəmi, qayıq)
zipper (zipə) - zəncirbənd
İndi isə sıra rəqəmləri öyrənməyə gəldi.
Rəsmdə rəqəmlərin yazılışına baxın, oxunuşları isə sıra ilə belə olacaq: van, tu, sri, fo, fayv, siks, sevn, eyt, nayn, ten, ilevn, tuvelv, sötin, fotin, fiftin, sikstin, sevntin, eytin, nayntin, tuventi. Videonu izləyib rəqəmləri birlikdə təkrar edin:
Bu isə sıra ilə həftənin günləridir. Uşaqlar bunu çox sevir. Mənim tələbəm bunu sıra ilə sayanda mahnı kimi oxuyurdu Oxunuşları isə belədir: Mandi, Tyuzdi, Venizdi, Sözdi, Fraydi, Sətədi, Sandi. Videoya baxın:
Növbədə fəsillərin adlarını öyrənmək var.
Oxunuşları və mənası belə olacaq: winter (vintə)- qış, spring (sprinq)- yaz, summer (samə)-yay, autumn (otəm)- payız. Qeyd: Amerikalılar payıza fall (fol) deyir. Buyurun baxın :
Bəs rəngləri necə öyrədəcəksiniz?
Buyurun rəsmə baxın. Rənglərin çoxu yazılıb, mənasını da biləcəksiniz. Sadəcə, sizə düzgün tələffüz etmək qalır. Diqqətli olaq: grin, yelou, pöpl, grey, red, orinc, braun, vayt, blək, pink, blu. Buyurun videonu izləyin:
Sonda isə meyvələrdən bəzilərini öyrədin. Şəkillər vasitəsi ilə övladınız bunları yaxşı xatırlayacaq. Öyrəndikdən sonra şəkildə həmin meyvənin adını örtün və ancaq şəkili göstərərək onun nə olduğunu soruşun.
Oxunuşlarını da unutmayın: paynəpl, bluberis, əpls, piç, orinc, peə, stroberi, qreyps, bənanəs, kivi, çerris, votəmelən. Videodan başqa meyvə adlarını da öyrədə bilərsiniz.
Hələlik bu qədər. Əgər bu xəbəri bəyəndinizsə, xəbərin növbəti dərcini gözləyin
Oxunuşları isə belədir: Mandi, Tyuzdi, Venizdi, Sözdi, Fraydi, Sətədi, Sandi. Videoya baxın:
