Uşaqlarda dünyagörüşünü inkişaf etdirmək lazımdır. Dünyagörüşü zəif olan uşaqlarda təqlidçiliyə meyllilik güclü şəkildə baş qaldırır. Bunun qarşısını almaq isə olduqca çətindir. Uşaqlarınızı tanımadan onları tərbiyə edə bilməzsiniz. Ona görə də kiçik olmaqlarına baxmayaraq uşaqlarınıza öz gözünüzdə böyük biri kimi yanaşın və onları başa düşməyə çalışın. Bunun ən gözəl yolu isə uşaqlarınıza zaman ayırmaq və onlarla oyun oynamaqdır. Hər şey elə uşaq yaşlarından oynanılan oyunarla başlayır. Oyun zamanı uşağınızla söhbət edin və onunla gözəl zaman keçirin. Biz də bunun üçün varıq. Əlimizdə olan məlumatları sizinlə ona görə paylaşırıq ki, siz də həvəslənəsiniz və uşaqlarınızla gün ərzində gözəl zamanlar keçirməyə çalışasınız. Bu dəfəki xəbərim kağız gəlinciklər xəbərinin növbəti hissəsidir. Keçən dəfəki hissələrdəki şərhlərinizi görüb belə başa düşdüm ki, bu xəbər sizin üçün yetərincə maraqlı olub. Ona görə də xəbərin növbəti hissəsini hazırladım.
Bu dəfə də sizə lazım olan bu iş vərəqlərini çap etməkdir.
Çap etdikdən sonra şəkilləri səliqə ilə kəsin.
Bunu kardona yapışdıraraq da edə bilərsiniz, adi bir vərəqə yapışdıraraq da.
Əgər adi vərəqə yapışdırarkən uşağınız daha çox əylənəcəksə, o zaman belə edin.
Mütləq ondan hansı şəkildə oynamaq istədiyini soruşun.
Çünki bu sizin ona güvəndiyinizi və onun seçimlərinə hörmət etdiyinizi göstərəcəkdir.
Bunun sayəsində isə onda özünəinam, özünəgüvən və özünəhörmət hissləri yaranacaqdır.
Siz adi gördüyünüz bu oyunlar vasitəsilə əslində uşağınız tam şəxsiyyət kimi formalaşır.
Uşaqlarınızla gözəl zaman keçirməyiniz diləyi ilə.
XƏBƏR LENTİ
- ŞƏRHLƏR