Üzünüzdəki makiyajı mütləq təmizləyin
Dərinizin parlaq və sağlam görünməsini təmin edən maskalardan istifadə edərkən üzünüzdəki makiyajı mütləq təmizləməlisiniz. Dərinizi dərin təmizləmədikdən sonra maskanın heç bir xeyri olmayacaq.
Növbənöv maskalardan istifadə etməyin
Günlük həyatınızda dərinizi təmizləmək üçün mütləq bir rejimə sahib olmalısınız. Fərqli-fərqli maskalardan istifadə etsəniz, təsirini görməyəcəksiniz. İstifadə etdiyiniz maskanı həftədə ən az 2 dəfə olmaqla nizamlı formada istifadə edin.
Dəri tipinizə uyğun maska seçməyi unutmayın
Hər hansı maskadan istifadə etmədən əvvəl dərinizin formasına uyğun olmasına diqqət edin. Dərinizə uyğun olmayan maska sızanaqlara və ləkələrə səbəb ola bilər.
Maskadan sonra dərinizi nəmləndirin
Nəmləndirici istifadə etmək bütün dəri tipləri üçün vacibdir. Maskalar dərinizdəki nəmin azalmasına səbəb olur. Hər maskadan sonra nəmləndirici istifadə etməyi unutmayın.
Maskaların istifadəyə yararlılıq müddətinə diqqət edin
Adətən maskaların son istifadə tarixinə baxılmır. Tarixi keçən maska ciddi dəri xəstəliklərinə səbəb ola bilir.