Dərinizə uyğun maska axtarırsınız? Bu maskalar sizin üçündür...
Canlandırıcı çiyələk maskası
2 ədəd iri çiyələyi əzərək bir xörək qaşığı nəmləndiriciylə qarışdırılaraq bütün üzə nazik şəkildə çəkilir. 5 dəqiqə sonra ilıq su ilə yuyulur. Bu maska dərini canlandıraraq onu nəmləndirir və qurumağa qoymur.
Quru dəri üçün banan maskası
Ləkəsiz və tam yetişmiş bananın yarısı əzilir, 2 xörək qaşığı nəmləndirici kremlə qarışdırılıb üzə çəkilir. 15 dəqiqə gözlədikdən sonra ilıq su ilə yuyulur. Maskanı həftədə 2 dəfə etmək yetərlidir.
Qarışıq dəri üçün alma maskası
1 ədəd almanın içini qaşığla ovub yaxşıca əzdikdən sonra 2 çay qaşığı nəmləndici kremlə qarışdırılır. Üzə çəkilərək 5 dəqiqə gözlədikdən sonra soyuq su ilə yuyulur.
Yorğun dəri üçün üzüm maskası
10-15 ədəd üzüm giləsi ətçəkən maşından çəkilir, göz çevrəsindən başqa bütün üzə çəkilir. 15 dəqiqə gözlədikdən sonra ilıq su ilə yuyulur.
Cansız dəri üçün xiyar maskası
Dəriyə canlılıq və parlaqlıq verməsiylə tanınan xiyar maskası həm də genişlənmiş məsamələri yığır. 1 ədəd xiyar sürtkəcdən keçirilərək suyu süzülür, sonra 1 yemək qaşığı qatıqla qarışdırılıb göz çevrəsindən başqa bütün üzə çəkilir.
Rahatlaşdıran nanə maskası
1 budaq nanə 3 xörək qaşığı suda 10-15 dəqiqə qaynadılaraq soyudulur, 1 xörək qaşığa yaxını üzün hər yerinə çəkilir. Sərinlədici və sakitləşdirici effekti ilə dəriniz çox rahatlaşacaq.
Solğun dəri üçün yumurta maskası
Yumurtanın sarısı cox qidalandırıcı olduğu üçün, əsasən solğun və qarışıq dəriləri canlandırmaq üçün idealdır. Təzə yumurtanın sarısını 2 qəhvə qaşığı nəmləndirici kremlə qarışdırıb qalın şəkildə üzə çəkilir. 20 dəqiqə gözlədikdən sonra ilıq su ilə yuyulur. Maskanı həftədə 2 dəfə istifadə etmək məsləhətdir.
Civzələr üçün limon maskası
Limonun tərkibindəki turşu civzələrin bir nömrəli düşmənidir. Yarım limon suyu 1 yemək qaşığı kirşanla qarışdırılaraq civzələr olan nahiyələrə çəkilir. Yaxşıca quruduqdan sonra bol su ilə yuyulur.
Çox quru dəri üçün bal maskası
Yarım qəhvə fincanı bal göz çevrəsindən başqa bütün üzə və boyuna çəkilir. 10-15 dəqiqə sonra soyuq su ilə yuyulur və nəmləndirici krem çəkilir.
Şışkin üz üçün buz maskası
Səhər yuxudan duranda üzünüz və göz qapaqlarınız şişkin olursa, bu maskanı yoxlaya bilərsiniz. Öncə üzünüzə bolluca nəmləndirici çəkin. Sonra buzxanadan çıxardığınız buzu dairəvi şəkildə üzünüzdə gəzdirin.