Qadin.NET / Üzümlə gözəlləşin

Üzümlə gözəlləşin

 

Üzümlə gözəlləşin

 

Üzüm alfa-hidro turşuları ilə zəngindir və bunun nəticəsidir ki, ondan hazırlanan maskalar dərini ölmüş hüceyrələrdən təmizləyir, dərini
təmiz, məxməri, elastiki və yumşaq edir.
Quru dəri üçün maska
Eyni miqdarda bal və üzüm şirəsini qarışdırın, tənzif salfeti batırıb üz dərinizə qoyun.
Quru qocalan dəriyə uyğundur
Bir neçə üzüm dənəsini doğrayın və əvvəlcədən təmizlənmiş üz və boyun dərisinə çəkin. Üzüm maskası istənilən dərini məxməri, təmiz, elastiki edir, əla təmizləyir və canlandırır. Kurs 15-20 prosedurdur, həftədə 2-3 dəfə etmək olar.

 

Üzümlə gözəlləşin

 

Qırışlı dəri üçün üzüm-südlü maska

1/4 stəkan üzüm şirəsi ilə eyni miqdarda südü qarışdırın, pambığı batırıb üzünüzə qoyun, üstündən dəsmalla örtün. 15-20 dəqiqə saxladıqdan sonra üzünüzdən götürün, dərinizi azacıq qurudun, krem çəkin. Maska qırışlı dəri tipinə uyğundur.

Həssas dəri üçün maska

1 çay qaşığı kəsmik, 1 çay qaşığı bal və 2 çay qaşığı üzüm şirəsini birlikdə qarışdırın, üzünüzə çəkin, 10-15 dəqiqə sonra soyuq su ilə yuyun.

 

Üzümlə gözəlləşin

 

Yağlı dəri üçün maska

Əvvəlcədən çalınmış yumurta ağına 2 çay qaşığı üzüm şirəsi əlavə edib qarışdırın, üzünüzə çəkib 15-20 dəqiqə sonra soyuq su ilə yuyun.

Yağlı dəri üçün qidalandırıcı maska

1 xörək qaşığı əzilmiş üzümə yarımçıq yumurta sarısı, bir az un və ya nişasta əlavə edib qarışdırın. Maskanı üzünüzə çəkib 20 dəqiqə saxlayın, əvvəl isti su ilə, sonra soyuq su ilə yuyun.

18 iyun 2013
GO BACK