Növündən asılı olmayaraq, kivi 50-150 qr çəkidə ola bilər, belə olduqda, onun tərkibindəki suyun miqdarı çox (84%) olacaqdır. Kivi çoxlu vitaminlərlə zəngindir. Birincisi, kivinin tərkibində vitamin C olduqca çoxdur. (100qram meyvədə 92 mq vitamin C var.) İkincisi, onun tərkibində vitamin E var. Bir qayda olaraq, bu vitamin yüksək kalorili ərzaqların tərkibinə daxildir. (məs:qoz-fındıq) Artıq çəki ilə mübarizə aparanlarda bu vitamin defisiti-çatışmamazlığı yaranır. Kivi istənilən pəhrizlə uyğunlaşa bilər. Üçüncüsü, kivinin tərkibinə B9 və B6 vitaminləri də daxildir ki, bu vitaminlər çox az saylı ərzaqların tərkibində olur. Kivi-orqanizmdən duzları çıxarır və böyrəklərdə daş əmələ gəlməsinin qarşını alır. Bundan başqa, kivi-dietik bir meyvədir, piylənməyə meylli insanlar ondan istifadə edə bilər. Belə ki, bu meyvə, ilk öncə yağları əridir, ikincisi də ki, onun tərkibində gözəl bədən forması əldə etmək üçün çoxlu miqdarda sellüloz var.
Təmizləyici maska:
1 ədəd kivinin qabığını soyub əzin, başqa heç bir şey əlavə etmədən maskanı dərinizə çəkin, 15-20 dəqiqə saxladıqdan sonra ilıq su ilə yuyun. Əgər prosedur zamanı dərinizdə yüngülvari qaşınma hiss etsəniz, qorxmayın, çünki bu zaman orqanik turşular dəriyə təsir edir.
Quru dəriyə qulluq üçün skrab-maska:
1 ədəd kivini əzin, üzərinə 1 çay qaşığı bal, 1 xörək qaşığı portağal şirəsi və istənilən bitki yağı, 1 xörək qaşığı xama, 1 çay qaşığı əzilmiş badam əlavə edib qarışdırın, üzünüzə çəkin, 5 dəqiqə saxladıqdan sonra nəm pambıqla silin.
Solğun dəri üçün maska:
1 ədəd kivinin qabığını soyub xırda-xırda doğrayın, 1 çay qaşığı balla qarışdırın, üzünüzə çəkin, 10-15 dəqiqə sonra isti su ilə yuyun. Belə maskanın tətbiqindən sonra dəri C vitamini ilə zənginləşir, dərinin qocalmasının qarşısı alınır.
Qidalandırıcı maska:
Qabığı soyulmuş 1 ədəd kivini yarımçıq bananla birgə əzin, bura 1 xörək qaşığı kəsmik əlavə edib qarışdırın, üzünüzə çəkin, 20 dəqiqə sonra isti su ilə yuyun.
Yağlı dəri üçün maska:
Eyni miqdarda əzilmiş kivi, limon və qıtığotunu götürüb hamısını birgə qarışdırın və üzünüzə çəkin, 5-10 dəqiqə sonra ilıq su ilə yuyun.
Nəmləndirici maska:
Eyni miqdarda əzilmiş kivi və kəsmiyi qarışdırın, üzünüzə çəkin və 20 dəqiqədən sonra isti su ilə yuyun.
Quru dəri üçün maska:
Yarımçıq kivini əzin, ora 1 çay qaşığı istənilən bitki yağını əlavə edib qarışdırın, üzünüzə çəkin, 15 dəqiqə sonra isti su ilə yuyun.
Cavanlaşdırıcı maska:
Eyni miqdarda əzilmiş kivi, xurma, armud və alma götürüb qarışdırın, üzünüzə çəkin, 15-20 dəqiqə sonra isti suya batırılmış pambıqla maskanı üzünüzdən silin.
Qarışıq dəri tipi üçün maska:
1 ədəd kivinin qabığını soyub əzin, ora 1 ədəd çalınmış yumurta ağı, 1 çay qaşığı bitki yağı və 1 xörək qaşığı yaşıl gil əlavə əlavə edib qarışdırın, üzünüzə çəkin, 10 dəqiqə sonra ilıq su ilə yuyun.
