Mütəmadi olaraq boyadan istifadə etdikdə saçlar korlanır. Parlaqlığını itirən qırıq saçlarla isə cazibədar görünmək imkansızdır.
Aşağıdakı maskaların hər birindən 1 ay ərzində həftədə 3-4 dəfə istifadə edin.
Birinci maska:
4 xörək qaşığı jojoba yağı
2 çay qaşığı rozmarin yağı
1 çay qaşığı ətirşah çiçəyi yağı
Yağları qarışdırın və yeni yuyulmuş nəmli saçlara çəkin. 15 dəqiqə gözləyib əvvəl soyuq, sonra isə ilıq su ilə yuyun.
İkinci maska:
1 ədəd yumurtanın sarısı
2 çay qaşığı ərik yağı
5 xörək qaşığı kokos yağı
Əvvəl yumurta sarısını çırpın, üzərinə digər ərzaqları əlavə edib qarışdırın. Uclarından başlayaraq bütün saça çəkin. 20 dəqiqə saxladıqdan sonra saçınızı şampunla yuyub-təmizləyin.