Fiziki stress
Hər cür fiziki travma, cərrahi əməliyyatlar, qəzalar və şiddətli xəstəliklər keçici saç tökülməsinə səbəb olur. Saç tökülməsi travmadan 3-6 aydan sonra da baş verə bilir. Narahat olmayın, bir müddət sonra saçlarınız yenidən çıxmağa başlayacaq.
Hamiləlik
Hamiləlik saç tökülməsinə səbəb olan fiziki stressə nümunədir. Hamiləliklə əlaqəli saç tökülməsi, doğuşdan sonra da özünü göstərə bilir. Bir neçə aydan sonra saçlarınız yenidən uzanacaq.
Həddindən artıq A vitamini
A vitamini tərkibli dərmanların həddindən artıq qəbulu saç tökülməsinə səbəb ola bilir. Bunun üçün həkimlə məsləhətləşməlisiniz.
Protein çatışmazlığı
Qidalandığınız menyuda kifayət qədər protein yoxdursa, saçınız tökülməyə başlaya bilər. Ət məhsulları yemirsinizsə, digər yollarla protein qəbul etməlisiniz.
Kişi tipli keçəllik
Üç kişidən ikisi 60 yaşına çatana qədər saç tökülməsi ilə üzləşir. Bunun səbəb genetika, kişi hormonları ilə əlaqəli olur.
Qadın hormonları
Hamiləlik hormonu kimi qadın hormonları da saç tökülməsinə səbəb ola bilir. Bu daha çox klimaks dövründə meydana gəlir. Müalicə üçün həkimə getmək lazımdır.
Anemiya (qansızlıq)
20 ilə 49 yaş arasında 10 qadından birində, dəmir çatışmazlığı ilə əlaqəli anemiyaya rast gəlinir. Saç tökülməsinin bir səbəbi də budur. Bunu müəyyənləşdirmək üçün qan təhlili vermək lazımdır.
XƏBƏR LENTİ
