Hər bir qadın gözəl görünüşlü saçlara sahib olmağa çalışsa da, bəzən problemlərə qarşılaşırııq. Bunlardan bəziləri ilə sizləri tanış edirəm ki, saçlarınızın qayğısına düzgün qalasınız.
Saç dərisində kəpəklənmə, göbələk, saç qıran
Xəstələr ümumiyyətlə saç dərisində qaşıntı, kəpəklənmə, yara, saç tökülməsi və seyrəkləşmədən şikayət edirlər. Ən çox qaşıntıya səbəb olan xəstəliklər: saçlarda bitlənmə, saç ekzemaları və şəkər xəstəliyidir. Kəpəklənməyə səbəb olan xəstəliklər isə: saç ekzaması, zob xəstəlikləri, sinir ekzaması və göbələk xəstəliyidir.
Saç tökülməsinə səbəb olan xəstəliklər arasında xüsusilə: qızdırmalı xəstəliklər, dəmir-zülal-sink əskikliyi, tiroid xəstəlikləri, hamiləlik, şəkər xəstəlikləri, qaraciyər və böyrək xəstəlikləri, anemiya, arıqlamaq üçün həddindən artıq pəhriz saxlama, xərçəng xəstəliklərinin müalicəsində istifadə edilən bəzi dərmanlar və kimyəvi maddə istifadəsi, mərkəzi sinir sistemi xəstəlikləri və stress iştirak edir. Bunlardan başqa, bir də qadınlarda görülən, kişilərdəki adi keçəlliyə bənzər (androgenetik alopes) mövcuddur.
Bu vəziyyətə ən çox over kistleri, hormonal pozğunluq və andrenal şişlər səbəb ola bilərlər. Bu səbəblərdən ötrü androgenetik tip keçəllik çox yaxşı araşdırılmalı və tədqiq edilməlidir. Saç seyrəkləşməsi və tökülməsini ilə bərabər, bəzən regional saç tökülməsi də ola bilər. Ən sıx rast gəlinən regional saç tökülməsinə nümunə olaraq göbələk xəstəlikləri, saç qıran, bəzi kosmetikaların çox istifadə edilməsi və davamlı bir bölgədən saç qoparılması sayıla bilər.
Saç qıran, göbələk xəstəliyi və bərpa edilə bilməyən tökülmələr
Saç qıran, bir neçə mm ilə 1-2 sm. diametrində yumru bir sahədə ani saç tökülməsi şəklində meydana çıxar. Bu cür saç tökülməsi bir bölgədə ola bildiyi kimi, bir neçə dəyişik yerdə, məsələn saqqal, saç, qaş və kirpiklərdə də ola bilər. Saçqıranların əsl səbəbi stressdir. Lakin bəzi otoimmun və dəri xəstələrində də görülə bilər. Göbələk xəstəliyi isə xüsusilə həddi-buluq çağından əvvəlki uşaqlarda müşahidə edilir. Burada qırıq saçlar ehtiva edən kəpəkli sahələr tük diblərində kəpək və göbələyin yığılması nəticəsində iltihablaşır və tüklər asanlıqla kökündən çıxa bilir. Bu xəstəliklərdən başqa, bir də saçın dərisində, saç qovuqlarında bərpası mümkün olmayan saç tökülməsi meydana gəlir. Bunlar ən çox anadangəlmə olur, lakin infeksiya, şiş və digər səbəblərə də bağlı ola bilər.
Saçlarımızın tökülməsinə səbəb nədir?
Tökülmə şikayəti olan xəstələrin əvvəlcə saçlarının nə qədər töküldüyü öyrənilməlidir. Çünki gündə 25-100 saç telinin tökülməsi normaldır. Hər saçın yaşı fərqlidir. Və hər saç fərqli zamanlarda töküləcək deməkdir. İnkişaf dövründə saç ən çox 2 - 6 il arasında qalar. 4-5 il sonra bu töküləcək yerinə yenisi gələcəkdir. Bunun xaricində adamın hər gün 150-200 saç teli tökülürsə, problemi var deməkdir. Xəstənin rejim edib etmədiyi, həddindən artıq stressli olub-olmadığı, yaşadığı mühitin fiziki şərtləri öyrənilməlidir. Çünki bu faktorlar insanın saç sağlamlığı ilə birbaşa əlaqədardır. Əgər bunlardan nəticə alına bilməzsə, həmin şəxsdə xəstəlik problemi olub -olmadığı öyrənilməyə çalışılmalıdır. Bədəndə infeksiya varmı, xərçəng müalicəsimi görübmü? Qan analizi edilməli və beləcə bütün hormonların tarazlığı öyrənilməlidir. Və testlər nəticəsində saç tökülməsinin səbəbi yaxşıca öyrənilib ona görə bir müalicə tətbiq olunmalıdır.
Saç dərisində kəpəklənmə, qaşıntı və tökülməsi olan xəstələr yaxşı araşdırılmalıdır, xəstəliyin vəziyyətinə görə müxtəlif tədbirlər görülməli, patoloji vəziyyət ortadan qaldırılmalıdır. Müalicənin gecikdiyi təqdirdə bərpa edilməyən keçəlliklər və dazlıq meydana gələ bilər.
XƏBƏR LENTİ
- ŞƏRHLƏR