Makiyaj üz gözəlliyinizi ön plana çıxaran və geydiyiniz paltarların təsirini artıran vasitədir. Göz qələmi isə bu vasitənin imtina edilməz bir ünsürüdür. Göz qələmi çəkərkən nələrə diqqət yetirmək lazımdır?
- Makiyaj üzün üst qismindən alt qisimlərə doğru lay-lay tətbiq olunmalıdır. Bu səbəblə əvvəl tonal krem və ya pudranızı çəkməlisiz. Göz qələmi isə göz üçün kölgə və kirpik üçün tuşdan əvvəl, tonal kremdən dərhal sonra çəkilməlidir.
- Göz qələmini gözünüzün içinə sürtdüyünüz zaman gözlərinizi bir neçə dəfə qırparaq dağılmasını təmin etməniz lazımdır.
- Göz qələminizin ucu çox iti olmamalıdır. Xüsusilə içə çəkərkən iti uclu qələmlər təhlükəli ola bilər.
- Göz qapağı üzərinə və ya göz altındakı kirpiklərin dibinə göz qələmi çəkmək istəyirsinizsə, incə uclu bir fırçanın köməyi ilə dağıtmaqla dumanlı təsir yarada bilərsiniz.
- Göz qələmini təmiz saxlamaq olduqca əhəmiyyətlidir.
- Gecə yatmazdan əvvəl göz qələminizi silməyi unutmayın. Gecə makiyajlı yatmaq həm dərinizə zərər verər, həm də qırışıqlıqların artmasına səbəb olar.
- Gecə makiyajında eyelinerdən istifadə edin. Göz makiyajınızı edərkən onun saç və dəri rənginizə, paltarınıza uyğun olmasına diqqət yetirməlisiniz.
- Gözlərinizə çəkdiyiniz göz qələminin daha təbii görünməsini istəyirsinizsə, göz qələminizi üst göz qapağınızın iç qisiminə tünd şəkildə çəkib gözlərinizi açıb-bağlayaraq alt kirpiklərinizin diblərinə yayılmasına çalışın.
- Baxışlarınızın daha çox ön plana çıxmasını istəyirsinizsə, yalnız üst kirpiklərinizə tuş çəkin, dodaqlarınız üçün açıq rəngli pomada seçin.
- Linzadan istifadə edirsinizsə, eyelinerinizi göz qapağınızın üstünə kirpik diblərindən başlayaraq tək xətt şəklində çəkin.